অস্কাৰৰ দৌৰত অসমত জন্মগ্ৰহণ কৰা চলচ্চিত্ৰ নিৰ্মাতাৰ ছবি ‘ওৱান লিটিল ফিংগাৰ’

অসমত জন্মগ্ৰহণ কৰা সংগীতজ্ঞ, চলচ্চিত্ৰ নিৰ্মাতা আৰু গীতিকাৰ ৰুপম শৰ্মাৰ ছবি ‘ওৱান লিটিল ফিংগাৰে’ ২০২০ বৰ্ষৰ অস্কাৰৰ দৌৰত স্থান লাভ কৰিছে ।

অৰিজিনেল ছং, শ্ৰেষ্ঠ চলচ্চিত্ৰ আৰু বেষ্ট অৰিজিনেল স্কোৰ এই তিনিটা শাখাত চলচ্চিত্ৰখনে ২০২০ অস্কাৰ বটাৰ বাবে মনোনয়ন লাভ কৰিছে।

অসমৰ যোৰহাটত জন্মগ্ৰহণ কৰা আৰু বৰ্তমান আমেৰিকাৰ বাসিন্দা ‘ওৱান লিটিল ফিংগাৰ’ৰ নিৰ্মাতা ৰুপম শৰ্মাই ইতিমধ্যে বিশ্বজুৰি বিভিন্ন বঁটা লাভ কৰিছে।

লজ এঞ্জেলছত অনুষ্ঠিত হোৱা ৰিভাৰচাইদ আন্তঃৰাষ্ট্ৰীয় চলচ্চিত্ৰ মহোৎসৱত ‘ওৱান লিটিল ফিংগাৰে’ গ্লোৱেল ইম্পেক্ট ফাউণ্ডাৰ এৱাৰ্ডছ শ্ৰেষ্ঠ চলচ্চিত্ৰৰ বঁটা লাভ কৰিছিল।

চলচ্চিত্ৰখনে নতুন দিল্লীত অনুষ্ঠিত হোৱা দাদা চাহেব ফাল্কে চলচ্চিত্ৰ মহোৎসৱতো জুৰিৰ বিশেষ বঁটা লাভ কৰিবলৈ সক্ষম হয়।

আমৰিকা যুক্তৰাষ্ট্ৰত ৰুপম শৰ্মাৰ চলচ্চিত্ৰখনে বিভিন্ন চলচ্চিত্ৰ মহোৎসৱত ভালেমান বঁটা লাভ কৰে।

চলচ্চিত্ৰখনৰ কাহিনী, নিৰ্দেশনা সকলো ৰুপম শৰ্মাৰ নিজৰ। বৰ্তমান শৰ্মা আমেৰিকাৰ কেলিফৰ্নিয়াৰ বাসিন্দা।