অসম চৰকাৰে আজি অনুষ্ঠিত ৰাজ্যিক কেবিনেট বৈঠকত একাধিক জনহিতকৰ সিদ্ধান্ত গ্ৰহণ কৰিছে। মুখ্যমন্ত্ৰী হিমন্ত বিশ্ব শৰ্মাৰ অধ্যক্ষতাত আয়োজিত এই বৈঠকত চৰকাৰী কৰ্মচাৰী, শিক্ষার্থী, শিক্ষক, স্বাস্থ্যখণ্ডৰ পৰিকাঠামো উন্নয়ন আৰু গ্ৰামীণ সংযোগ ব্যৱস্থাৰ ক্ষেত্ৰত ইতিবাচক সিদ্ধান্তসমূহ গৃহীত হয়।
মুখ্যমন্ত্ৰীয়ে বৈঠকৰ অন্তত সংবাদমেল সম্বোধন কৰি বৈঠকত গ্ৰহণ কৰা মুখ্য সিদ্ধান্তসমূহৰ বিষয়ে সদৰী কৰে। অজিৰ ৰাজ্যিক কেবিনেটৰ সিদ্ধান্ত অনুসৰি-
কেবিনেটে ৰাষ্ট্ৰীয় পেঞ্চন আঁচনিৰ অধীনৰ চৰকাৰী কৰ্মচাৰীৰ বাবে নতুন ইউনিফাইড পেঞ্চন আঁচনি অনুমোদন কৰিছে।
এই আঁচনীৰ অধীনত —
অৱসৰৰ পাছত নিশ্চিতভাৱে মূল দৰমহাৰ ৫০% পেঞ্চন হিচাপে লাভ কৰিব।
পাৰিবাৰিক পেঞ্চন হ’ব মৃত্যুৰ আগতে লাভ কৰা পেঞ্চনৰ ৬০%।
অৱসৰৰ সময়ত এককালীন ভাট্টা হিচাপে প্ৰতিটো সেৱা বছৰলৈ মাহিলি মূল দৰমহা আৰু মৰগীয়া ভাট্টাৰ ১০% প্ৰদান কৰা হ’ব।
২. অৰুণোদয় ৩.০ সম্প্ৰসাৰণ
অসম ৰাজ্যিক গ্ৰামীণ জীৱিকা অভিযানৰ অধীনৰ ১০,১৮৬ জন সামুহিক কেডাৰক অৰুণোদয় ৩.০ আঁচনিৰ হিতাধিকাৰী হিচাপে অন্তর্ভুক্ত কৰাৰ অনুমোদন।
৩. অসম স্থিতিস্থাপক গ্ৰাম্য দলং কাৰ্যসূচী (ARRBP)
গ্ৰামীণ এলেকাত সৰ্ববতৰ সংযোগ নিশ্চিত কৰিবলৈ ৪,৮১৬.৩১ কোটি টকা ব্যয়ে জলবায়ু-স্থিতিস্থাপক দলং নিৰ্মাণৰ অনুমোদন।
প্ৰকল্পৰ অধীনত —
৩৫০খন নতুন দলং নিৰ্মাণ,
১০৩খন দলং বহল কৰা,
৬৯৪খন খহি পৰা বা সংকটপূর্ণ দলং সলনি কৰা,
আৰু ৩৭খন বিদ্যমান দলংৰ পৰিচৰ্যা কৰা হ’ব।
৪. স্বাস্থ্যখণ্ডত বৃহৎ বিনিয়োগ — ASTHA প্ৰকল্প
৪,২৮৭ কোটি টকা ব্যয়েৰে আছাম ষ্টেট টাৰ্চিয়েৰী হেলথকেয়াৰ অগমেন্টেশ্যন (ASTHA) প্ৰকল্প অনুমোদন।
এই প্ৰকল্পৰ মাধ্যমে গুৱাহাটী চিকিৎসা মহাবিদ্যালয় (GMCH)-ৰ নতুন চৌহদ নিৰ্মাণ, পৰিকাঠামো উন্নয়ন আৰু চিকিৎসা সেৱাৰ গুণগত মান বৃদ্ধি কৰা হ’ব।
৫. শিক্ষকৰ সুবিধা নিশ্চিতকৰণ
ধুবুৰী, দক্ষিণ শালমৰা-মানকাচৰ আৰু চৰ অঞ্চলত নিয়োজিত শিক্ষয়িত্ৰীসকলক ৫ বছৰৰ পাছত নিজৰ গৃহ জিলালৈ বদলি কৰাৰ অনুমোদন।
সমগ্ৰ শিক্ষা অভিযানৰ অধীনত ৩ বছৰৰ সেৱা সম্পূৰ্ণ কৰা শিক্ষকসকলক চৰকাৰী শিক্ষক হিচাপে নিয়মীয়াকৰণৰ অনুমোদন।
৬. তামিলনাড়ু দুর্ঘটনাৰ ভুক্তভোগী পৰিয়ালক আৰ্থিক সাহায্য
তামিলনাড়ুত সংঘটিত দুঃখজনক দুর্ঘটনাত নিহত ৯ জনৰ পৰিয়ালক মুখ্যমন্ত্ৰীৰ সাহায্য পুঁজিৰ পৰা ৫ লাখ টকাকৈ আৰ্থিক সাহায্য প্ৰদানৰ অনুমোদন।
৭. শিলচৰত যানজট নিৰাময়ৰ বাবে এলিভেটেড কৰিড’ৰ
শিলচৰৰ কেপিটেল পইণ্টৰ পৰা ৰংগিৰখাৰীলৈ ৩.৪৬২ কিলোমিটাৰ দৈৰ্ঘ্যৰ এলিভেটেড কৰিড’ৰ (প্ৰথম পৰ্যায়) নিৰ্মাণৰ অনুমোদন।
প্ৰকল্প ব্যয় — ৫৬৪.৫০ কোটি টকা।
৮. শিক্ষাৰ্থীসকলৰ বাবে চাইকেল আৰু মাচুল মুক্তি
ৰাজ্যিক বিদ্যালয়ৰ নৱম শ্ৰেণীৰ ৩,১১,৬১৪ শিক্ষার্থীৰ বাবে চাইকেল বিতৰণৰ অনুমোদন।
প্ৰজ্ঞান ভাৰতী আঁচনিৰ অধীনত স্নাতক প্ৰথম বৰ্ষৰ ১,৭৫,৮১৭ শিক্ষার্থীৰ নামভৰ্তি মাচুল পৰিশোধৰ বাবে ১২৬.৯৭ কোটি টকা অনুমোদন।
৯. অস্থায়ী কৰ্মচাৰীৰ বাবে দৰমহা বৃদ্ধি
১,২৩১ জন মাষ্টাৰ ৰোল, অস্থায়ী আৰু স্থিৰ দৰমহা কৰ্মচাৰীক ন্যূনতম দৰমহা প্ৰদানৰ অনুমোদন।
সাধাৰণ প্রশাসন বিভাগৰ ৯৯ জন চতুৰ্থ বৰ্গৰ কৰ্মচাৰীৰ স্থিৰ দৰমহা ১৬,৪০০ টকালৈ বৃদ্ধিৰ অনুমোদন।
অসম চিকিৎসা মহাবিদ্যালয় আৰু দন্ত মহাবিদ্যালয় নামভৰ্তি বিধি, ২০১৭ সংশোধন অনুমোদিত।
ইয়াৰ অধীনত —
অসমৰ স্থায়ী বাসিন্দা, যদিও ৰাজ্যৰ বাহিৰত অধ্যয়ন কৰিছে, তেওঁলোকে ৰাজ্যিক কোটাত নামভৰ্তিৰ বাবে যোগ্য হ’ব।
অৰুণাচল প্ৰদেশৰ মৰাণ জনগোষ্ঠীও এই কোটাৰ বাবে যোগ্য।
OBC/MOBC (NCL) প্ৰাৰ্থীসকলে আবেদন নকৰিলে প্ৰথম কাউন্সেলিঙৰ আগত দাখিল কৰিবলৈ অনুমতি পাব।
২০২৬ চনৰ পৰা অৰুণাচল প্ৰদেশত থকা মৰাণ জনগোষ্ঠী অসমত থকা মৰাণসকলৰ সমান অধিকাৰ লাভ কৰিব।
