শিৱসাগৰ সদৰ আৰক্ষী থানাত কৰ্তব্যৰত অসম আৰক্ষীৰ এগৰাকী উপ-পৰিদৰ্শক পৰ্যায়ৰ বিষয়াক এগৰাকী মহিলাৰ “শালীনতা হানি” কৰাৰ অভিযোগত গ্ৰেপ্তাৰ কৰা হৈছে।
অভিযোগ অনুসৰি অভিযুক্ত উপ-পৰিদৰ্শক ৰূপজ্যোতি দলেই শিৱসাগৰ সদৰ আৰক্ষী থানাত সোধা-পোছাৰ বাবে অনা এগৰাকী মহিলাক যৌন নিৰ্যাতন চলাইছিল।
ভুক্তভোগী মহিলাগৰাকীয়ে একেখন আৰক্ষী থানাত আৰক্ষী বিষয়াগৰাকীৰ বিৰুদ্ধে এজাহাৰ দাখিল কৰাৰ পিছত অভিযুক্ত অসম আৰক্ষীৰ উপ-পৰিদৰ্শকগৰাকীক গ্ৰেপ্তাৰ কৰা হৈছে।
লগতে পঢ়ক: বিমুদ্ৰাকৰণ সন্দৰ্ভত ৰায় দিলে উচ্চতম ন্যায়ালয়ে; মোডীৰ ঘোষণা সন্দৰ্ভত কি ক’লে ন্যায়ালয়ে?
ঘটনাটো নিশ্চিত কৰি শিৱসাগৰৰ আৰক্ষী অধীক্ষক শুভ্ৰজ্যোতি বৰাই কয়: “আৰক্ষী থানালৈ অনা এটা গোচৰত অভিযুক্ত এগৰাকী মহিলাৰ অভিযোগৰ ভিত্তিত স্থানীয় পৰ্যায়ৰ অনুসন্ধানে তেওঁক মহিলাগৰাকীৰ শালীনতা হানিৰ বাবে অভিযুক্ত কৰাৰ পিছত ৩১ ডিচেম্বৰৰ নিশা আমি উপ পৰিদৰ্শকগৰাকীক গ্ৰেপ্তাৰ কৰিছো।”
“অভিযুক্তজনক ন্যায়িক আদালতত হাজিৰ কৰাৰ পিছত তেওঁক জামিনত মুক্তি দিছে,” শিৱসাগৰৰ আৰক্ষী অধীক্ষকগৰাকীয়ে লগতে কয়।
বৰাই কয় যে ঘটনাটো ২৯ ডিচেম্বৰৰ নিশা শিৱসাগৰ সদৰ আৰক্ষী থানাৰ মহিলা আৰু শিশু কক্ষৰ ভিতৰত সংঘটিত হৈছিল।
“এটা গোচৰত তদন্তকাৰী বিষয়া হিচাপে থকা অভিযুক্ত আৰক্ষী বিষয়াগৰাকীয়ে , মহিলাগৰাকীক সোধা-পোছাৰ বাবে আৰক্ষী থানালৈ অনাৰ পিছত মহিলাগৰাকীক চুমা খাইছিল।”
লগতে পঢ়ক: মানুহৰ মৃতদেহৰ পৰা সাৰ প্ৰস্তুত কৰিব নিউয়ৰ্কে
বৰাই কয়, “যিহেতু অনুসন্ধান বিষয়াগৰাকী তেওঁৰ উচ্চপদস্থ বিষয়া আছিল, সেয়ে মহিলা কনিষ্টবলগৰাকীয়ে তেওঁক লগে লগে বাধা দিব নোৱাৰিলে যদিও পিছত তেওঁ আন জ্যেষ্ঠ আৰক্ষী বিষয়াসকলক গোটেই ঘটনাটো বৰ্ণনা কৰিছিল।”
এই গোচৰ সন্দৰ্ভত শিৱসাগৰ আৰক্ষী থানাত ৩৫৪/৩৫৪(এ) ধাৰাৰ অধীনত এটা গোচৰ ৰুজু কৰা হৈছে।
