বৰপেটা জিলাৰ পাঠশালাৰ দম্পত্তিয়ে বাইকেৰে ১৩খন ৰাজ্য ভ্ৰমণ কৰি অসমৰ পৰ্যটনক্ষেত্ৰৰ প্ৰচাৰ চলায়।
ৰাকেশ চৌধুৰী আৰু নিটুমনি তালুকদাৰে বিহাৰ, উত্তৰ প্ৰদেশ, মধ্য প্ৰদেশ, ৰাজস্থান, গুজৰাট, গোৱা, কৰ্ণাটক, তামিলনাডু, অন্ধ্ৰ প্ৰদেশ, ওড়িছা, পশ্চিমবংগৰ লগতে তিনিখন কেন্দ্ৰীয় অধ্যুষিত অঞ্চল ভ্ৰমণ কৰে।
২১ দিনত মুঠ ৮৫০০ কিলোমিটাৰ সামৰি লোৱা তেওঁলোকৰ এই যাত্ৰাৰ মূল বাণী আছিল, ‘অসমৰ সৌন্দৰ্য্য দেশত বিয়পাই দিয়া।‘
পাঠলাশাৰ হৰি মন্দিৰৰ প্ৰাঙ্গনৰ পৰা যাত্ৰা আৰম্ভ কৰা ৰাকেশ আৰু নিটুমনিয়ে কালি অৰ্থাৎ বুধবাৰে একে স্থানত আহি যাত্ৰাৰ সামৰণি পেলোৱাৰ পিছত তেওঁলোকক স্থানীয় বিভিন্ন দল-সংগঠনে সম্বৰ্ধনা জনায়।
যাত্ৰাৰ সময়ত তেওঁলোকক বিভিন্ন ঠাইৰ লোকে আদৰণি জনোৱাৰ লগতে সহায়ৰ হাত আগবঢ়াইছিল বুলি জানিবলৈ দিয়ে।
