ৰঙৰ উৎসৱ ফাকুৱাক কেন্দ্ৰ কৰি সমগ্ৰ ৰাজ্যতে ইতিমধ্যে আৰম্ভ হৈছে এক উৎসৱ মুখৰ পৰিৱেশ। ইয়াৰ মাজতে সমগ্ৰ অসমবাসীকে হোলীৰ শুভেচ্ছা জনাইছে অসমৰ ৰাজ্যপাল জগদীশ মুখীয়ে।
ৰাজ্যপাল মুখীয়ে এক বাৰ্তাযোগে কয়, ‘মই অসমবাসীলৈ ৰঙৰ উৎসৱ হোলীৰ আন্তৰিক শুভেচ্ছা জনালো। আশা কৰো এই উৎসৱে সকলোৰে মাজত সুখ, শান্তি কঢ়িয়াই আনিব’।
আনহাতে মুখ্য মন্ত্ৰী সৰ্বানন্দ সোণোৱালেও সকলোকে ৰঙৰ উৎসৱ ফাকুৱা আৰু দৌল যাত্ৰাৰ শুভেচ্ছা জনাইছে। বুধবাৰে এক বিবৃতিযোগে সোণোৱলে কয়, ‘আশা কৰো এই ৰঙৰ উৎসৱে অসমৰ সাংস্কৃতিক আৰু জাতীয় জীৱন চহকী কৰি তুলিব আৰু সমাজত শান্তি প্ৰতিষ্ঠা হ’ব’।
মুখ্য মন্ত্ৰীৰ উপৰি ৰাজ্যৰ আন এগৰাকী মন্ত্ৰী চন্দ্ৰমোহন পাটোৱাৰিয়েও ৰাজ্যবাসীক শুভেচ্ছা জনায়। মন্ত্ৰী পাটোৱাৰিয়েও এক বিবৃতিযোগে কয়, ‘ৰঙৰ উৎসৱে সকলোৰে মাজত অনাবিল সুখ, শান্তি, প্ৰেম, ভাতৃত্ববোধ কঢ়িয়াই আনক তাৰে কামনাৰে সকলোকে হিয়াভৰা শুভেচ্ছা জনাইছো’।
