বিশ্ব শক্তি উত্তোলন চেম্পিয়নশ্বিপলৈ অসমৰ কেইবাগৰাকী খেলুৱৈৰ যোগ্যতা অৰ্জন

কিৰ্গিস্তানত অনুষ্ঠিত হ’বলগীয়া বিশ্ব শক্তি উত্তোলন আৰু ইনক্লাইন বেঞ্চ প্ৰেছ চেম্পিয়নশ্বিপ ২০২৬ (WSLF)-লৈ অসমৰ কেইবাগৰাকী খেলুৱৈয়ে যোগ্যতা অৰ্জন কৰিছে। ছিকিমৰ পালজোৰ ষ্টেডিয়ামত যোৱা ১০ নৱেম্বৰৰ পৰা ১৩ নৱেম্বৰলৈকে অনুষ্ঠিত হোৱা ৩৫ সংখ্যক ৰাষ্ট্ৰীয় শক্তি উত্তোলন আৰু ইনক্লাইন বেঞ্চ প্ৰেছ চেম্পিয়নশ্বিপত অসমৰ পাঁচজনীয়া দলটোৱে উন্নত প্ৰদৰ্শনেৰে মুঠ দুটা সোণ আৰু চাৰিটা ৰূপৰ পদক লাভ কৰি বিশ্ব শক্তি উত্তোলন চেম্পিয়নশ্বিপলৈ যোগ্যতা অৰ্জন কৰিছে।

পদক বিজয়ীসকলৰ বিৱৰণ

আন্তঃৰাষ্ট্ৰীয় প্ৰতিযোগিতালৈ যোগ্যতা অৰ্জন

এই শক্তিশালী প্ৰদৰ্শন আৰু ব্যক্তিগত অভিলেখৰ বাবেই অসমৰ দুগৰাকী শক্তি উত্তোলনকাৰী কৰবি ডেকা আৰু অজিত কুমাৰ বৰুৱাকে ধৰি আটাইকেইগৰাকীয়ে এতিয়া কিৰ্গিস্তানত অনুষ্ঠিত হ’বলগীয়া বিশ্ব শক্তি উত্তোলন আৰু ইনক্লাইন বেঞ্চ প্ৰেছ চেম্পিয়নশ্বিপ-২০২৬ (WSLF) লৈ যোগ্যতা অৰ্জন কৰিছে।

উল্লেখ যে ভাৰতীয় শক্তি উত্তোলন ফেডাৰেচনে ৰাষ্ট্ৰীয় পদক বিজয়ী আৰু আশাব্যঞ্জক খেলুৱৈ সকলৰ ওপৰত গুৰুত্ব আৰোপ কৰি চূড়ান্ত দল নিৰ্বাচন প্ৰক্ৰিয়া আৰম্ভ কৰিছে বুলি সদৰি কৰিছে।

কৰবি ডেকাৰ সৈতে হোৱা বাৰ্তালাপত তেওঁ জনায় যে অসমৰ পাঁচজনীয়া দলটোৰ আটাইকেইজন সদস্যই এই প্ৰতিযোগিতালৈ যোগ্যতা অৰ্জন কৰিছে। ৰাষ্ট্ৰীয় পৰ্যায়ত সফলতা লাভ কৰাৰ পিছত এতিয়া পৰৱৰ্তী WSLF-ৰ বাবে প্ৰস্তুতিৰ ক্ষেত্ৰত তেওঁলোকে চৰকাৰৰ পৰা প্ৰয়োজনীয় সাহায্যৰ আহ্বান জনাইছে।