Jihadi links in Assam অসম আৰক্ষীয়ে দুটা জেহাদী গোটৰ অৱস্থিতি ধৰা পেলাইছে। আৰক্ষীয়ে দাবী কৰিছে যে বাংলাদেশৰ সন্ত্ৰাসবাদী সংগঠনৰ সৈতে তেওঁলোকৰ সম্পৰ্ক আছে। বিগত ৪৮ ঘণ্টাত অসম আৰক্ষীয়ে ১১ জন লোকক গ্ৰেপ্তাৰ কৰিছে। তেওঁলোকক ক্ৰমে বৰপেটা, মৰিগাঁও, গুৱাহাটী আৰু গোৱালপাৰাৰ পৰা গ্ৰেপ্তাৰ কৰা হয়।
আৰক্ষী জনোৱা মতে, বৰপেটা জিলাত এনে এটা গোটৰ সন্ধান পোৱাৰ বিপৰীতে আনটো জেহাদী গোটৰ সন্ধান পোৱা গৈছে মধ্য অসমৰ মৰিগাঁও অঞ্চলত।
লগতে পঢ়ক: Big Asteroids: ২৪ ঘণ্টাৰ ভিতৰত আহি আছে দুটা দৈত্যকায় গ্ৰহাণু; খুন্দা মাৰিব পৃথিৱীত!
আৰক্ষীয়ে সূত্ৰই জনোৱা অনুসৰি আল-কায়েদাৰ সৈতে জড়িত উগ্ৰপন্থী গোট বাংলাদেশৰ আনছাৰুল্লাহ বাংলা দলৰ সৈতে এইসকল জড়িত।
ইপিনে, মুখ্যমন্ত্ৰী হিমন্ত বিশ্ব শৰ্মাই টুইট কৰি কয় যে জেহাদী গোটটোৰ বিৰুদ্ধে ব্যৱস্থা গ্ৰহণ কৰা হৈছে। কেন্দ্ৰীয় সংস্থাৰ সৈতে সমন্বয় ৰক্ষা কৰি কাম কৰা হৈছে। বাংলাদেশী গোটৰ সৈতে সম্পৰ্ক ৰক্ষা কৰি অসমত কেইবাটাও জেহাদী গোটে কাম চলাই আছে। চুবুৰীয়া বাংলাদেশৰ লগত লাগি থকা বাবে এয়া সম্ভৱ হৈছে।
আৰক্ষীয়ে ইয়াৰ আগতেও অসমত এনে ধৰণৰ জেহাদী সংযোগ বিচাৰি পাইছিল। যোৱা মাৰ্চ আৰু এপ্ৰিলত বৰপেটাৰ পৰা আৰক্ষীয়ে ১০ জনক গ্ৰেপ্তাৰ কৰিছিল। তেওঁলোকৰ মাজত এজন বাংলাদেশীও আছিল।
লগতে পঢ়ক: বিজ্ঞাপনৰ চৰকাৰ! পাঁচ বছৰত বিজ্ঞাপনৰ নামত ব্যয় ৩,৩৩৯.৪৯ কোটি টকা
আৰক্ষী সূত্ৰই জনোৱা অনুসৰি বঙাইগাঁও জিলা আৰক্ষীয়ে বুধবাৰে গোৱালপাৰা জিলাৰ পৰা আব্বাছ আলী নামৰ এজন লোকক গ্ৰেপ্তাৰ কৰে। তেওঁক জেৰা কৰাৰ পিছত আৰু আন আঠজনক গ্ৰেপ্তাৰ কৰা হয়। তেওঁলোকৰ সাতজনক বৰপেটাৰ পৰা আৰু এজনক গুৱাহাটীৰ পৰা গ্ৰেপ্তাৰ কৰা হৈছে।
In major crackdown against anti-National, Jihadi elements, Assam Police arrested 11 persons from Morigaon, Barpeta, Guwahati & Goalpara.
They are connected to Islamic fundamentalist organizations having linkages with global terror outfits such as AQIS & ABT. pic.twitter.com/LQ6y6A5UoY
— Assam Police (@assampolice) July 28, 2022
অতিৰিক্ত ডিজিপি (বিশেষ শাখা) হীৰেন নাথে এই কথা সদৰী কৰি কয় যে অসম আৰক্ষীয়ে মুফতি মুস্তাফা আহমেদ নামৰ এজন লোককো আৰক্ষীয়ে মৈৰাবাৰী অঞ্চলৰ পৰা গ্ৰেপ্তাৰ কৰিছে।
