ৰাজ্যখনত ৰঙালী বিহুৰ উছাহৰ মাজতে কৰ’নাৰ সংক্ৰমণ ক্ৰমে গুৰুতৰ ৰূপ লোৱাৰ পথত আগবাঢ়িছে। ইতিমধ্যে কৰ’নাৰ দ্বিতীয়টো ঢৌ আৰম্ভ হোৱা অসমত মঙলবাৰে নতুনকৈ ৫৯০গৰাকী লোক কৰ’নাত আক্ৰান্ত হৈছে।
আনহাতে, মঙলবাৰে কৰ’নাত আক্ৰান্ত হৈ এগৰাকী লোকৰ মৃত্যু হৈছে। মৃত্যু হোৱা লোকগৰাকী কামৰূপ মহানগৰ জিলাৰ।
মঙলবাৰৰ দিনটোত অকল কামৰূপ মহানগৰ জিলাতে কৰ’নাত আক্ৰান্ত হৈছে ১২৪৯ গৰাকী লোক। সেইদৰে, সৰ্বাধিক আক্ৰান্ত আন জিলাসমূহৰ ভিতৰত ডিব্ৰুগড় জিলাত ৭৪ গৰাকী, কামৰূপ গ্ৰাম্য জিলাত ৪৮ গৰাকী, আৰু যোৰহাট জিলাত ২৫ গৰাকী লোক কৰ’নাত আক্ৰান্ত হৈছে।
ৰাজ্যখনত এই দিনটোত মুঠ ৫৯,৩১০ গৰাকী লোকৰ কৰ’না টেষ্ট কৰা হৈছিল। সেইদৰে, এই দিনটোত আৰোগ্য লাভ কৰা লোকৰ সংখ্যা হৈছে ৫২গৰাকী।
ৰাজ্যখনত এতিয়া মুঠ সক্ৰিয় কৰ’না ৰোগীৰ সংখ্যা হৈছে ২,,৯২৪গৰাকী।
আনহাতে, সোমবাৰে ৫৮৩ গৰাকী লোক কৰ’নাত আক্ৰান্ত হৈছিল।
অৱশ্যে সোমবাৰৰ দিনটোত কৰ’নাত আক্ৰান্ত হৈ কোনো লোকৰ মৃত্যু ঘটা নাছিল।
সোমবাৰৰ দিনটোত অকল কামৰূপ মহানগৰ জিলাত কৰ’নাত আক্ৰান্ত হৈছিল ১৯৩ গৰাকী লোক। সেইদৰে, সৰ্বাধিক আক্ৰান্ত আন জিলাসমূহৰ ভিতৰত কামৰূপ গ্ৰাম্য জিলাত ৪৮ গৰাকী, ডিব্ৰুগড় জিলাত ৪৩ গৰাকী আৰু নগাঁও জিলাত ২৯ গৰাকী লোক কৰ’নাত আক্ৰান্ত হৈছিল।
সেইদৰে, ৰাজ্যখনত দেওবাৰে ৩৫২ গৰাকী লোক কৰ’নাত আক্ৰান্ত হৈছিল।
দেওবাৰে ৰাজ্যখনত কৰ’নাত এগৰাকী লোকৰ মৃত্যু হৈছিল। কৰ’নাত আক্ৰান্ত হৈ মৃত্যু হোৱা লোকগৰাকী লখিমপুৰৰ আছিল।
দেওবাৰৰ দিনটোত অকল কামৰূপ মহানগৰ জিলাত কৰ’নাত আক্ৰান্ত হৈছিল ১৮৬ গৰাকী লোক। সেইদৰে, আন জিলাসমূহৰ ভিতৰত ডিব্ৰুগড় জিলাত ২৩ গৰাকী, নগাঁও জিলাত ১৮ গৰাকী আৰু তিনিচুকীয়াত ১৭গৰাকী লোক কৰ’নাত আক্ৰান্ত হৈছিল।
ৰাজ্যখনত আৰম্ভণিৰে পৰা এতিয়ালৈকে মুঠ কৰ’নাত আক্ৰান্ত হোৱা ৰোগীৰ সংখ্যা হৈছে ২,২১,৪৮৩ গৰাকী। সেইদৰে কৰ’নাত মৃত্যু হোৱা মুঠ লোকৰ সংখ্যা হৈছে ১,১১৯গৰাকী। এতিয়ালৈকে কৰ’নাৰ পৰা আৰোগ্য লাভ কৰিছে মুঠ ২,১৬,০৯৩ গৰাকীয়ে।