ৰাজ্যত কোভিড পজিটিভিটিৰ হাৰ নিম্নগামী হৈয়েই আছে আৰু সুস্থতাৰ হাৰো বৃদ্ধি পাইছে যদিও দেশত অ’মিক্ৰণৰ সংক্ৰমণ বৃদ্ধি পাবলৈ ধৰাত অসমতো শংকাৰ সৃষ্টি হৈছে।
শনিবাৰৰ দিনটোত ৰাজ্যখনত কোভিডত কোনো লোকে প্ৰাণ হেৰুওৱা নাই।
বিগত ২৪ ঘণ্টাত ৰাজ্যত কৰ’না ভাইৰাছত আক্ৰান্ত হৈছে ৫৬ গৰাকী লোক। শুকুৰবাৰে ৰাজ্যত মুঠ ৯৩গৰাকী লোক আক্ৰান্ত হৈছিল।
শনিবাৰৰ দিনটোত ১৪,২৫১ টা কোভিড পৰীক্ষা সম্পন্ন কৰা হয়।
কামৰূপ মেট্ৰ’ত বিগত ২৪ ঘণ্টাত কোভিডত আক্ৰান্ত হৈছে ২৮ গৰাকী লোক।
কোভিড পজিটিভিটিৰ হাৰ হৈছে ০.৩৯ শতাংশ। এই সময়ছোৱাত সুস্থতাৰ হাৰ হৈছে ৯৮.৬৭ শতাংশ।
ইপিনে দেশত কোভিডৰ নতুন ভেৰিয়েন্ট অ’মিক্ৰণৰ সংক্ৰমণ বৃদ্ধি পোৱাৰ সময়ত অসমত এতিয়ালৈ অ’মিক্ৰণ আক্ৰান্ত কোনো ৰোগীৰ সন্ধান পোৱা হোৱা নাই।
Summary of 25/12/2021
Today’s Total 56
Overall Positivity Percentage (56 cases out of 14,251 test done = 0.39%)
Kamrup(M) 28
Death 0
Recovery Rate 98.67%
— Himanta Biswa Sarma (@himantabiswa) December 25, 2021
তাৰ মাজতে স্বাস্থ্যবিভাগে ৰাজ্যত নতুন SOPঘোষণা কৰিছে। সেই অনুসৰি, আজিৰে পৰা নিশা ১১-৩০ বজাৰ পৰা পুৱা ৬ বজালৈ সান্ধ্য আইন বলবৎ থাকিব। নিশা ১০-৩০ বজাৰ পৰা ব্যৱসায়িক প্ৰতিষ্ঠান বন্ধ থাকিব। ৩১ ডিচেম্বৰৰ দিনটো ৰেহাই দিয়া হৈছে।
সেইদৰে.হোটেল, ধাবা সমূহ নিশা দহ বজাৰ পাছত বন্ধ হ’ব। ৫০% দৰ্শকেৰে চিনেমা হল চলিব।
ৰাজ্যৰ স্বাস্থ্য মন্ত্ৰী কেশৱ মহন্তই শনিবাৰে কলিয়াবৰত সংবাদ মেল ত জানিবলৈ দিয়ে যে ভেকচিনৰ অভাৱ বৰ্তমান অসমত নাই। এতিয়াও ৰাজ্য চৰকাৰৰ হাতত পঞ্চাশ লাখ ভেকচিন মজুত আছে।
অৱশ্যে, বিশেষজ্ঞসকলে কোভিডৰ তৃতীয় লহৰৰ সম্ভাৱনাৰ প্ৰতি লক্ষ্য ৰাখি জনসাধাৰণক কোভিড বিধিসমূহ মানি চলিবলৈ আহ্বান জনাই আহিছে।
