• About
  • Copyright
  • Privacy Policy
  • Authors
  • Contact
English |  
Tuesday, January 19, 2021
NORTHEAST NOW (Assamese)
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • সাহিত্য
  • অটো
  • জলিউদ
  • জীৱনশৈলী
  • প্ৰযুক্তি
  • মনোৰঞ্জন
No Result
View All Result
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • সাহিত্য
  • অটো
  • জলিউদ
  • জীৱনশৈলী
  • প্ৰযুক্তি
  • মনোৰঞ্জন
No Result
View All Result
NORTHEAST NOW (Assamese)
English
Home উত্তৰ-পূব অসম

হেঁপাহেৰে আহি নেদেখিলে একো, বছৰৰ দ্বিতীয় দিনাই বেয়াকৈ ঠগিলে চিৰিয়াখানাই!

Kalpa Saikia কল্পজ্যোতি শইকীয়া
গুৱাহাটী , January 2, 2019 8:26 pm

3 min read

entrance-of-assam-state-zoo

চিৰিয়াখানাৰ প্ৰৱেশ পথ।

479
VIEWS
Share on FacebookShare on Twitter

পুৰণিক বিদায় দি নতুনক আদৰাৰ সময়ছোৱাত জনসাধাৰণৰ মন উৎকণ্ঠা, আনন্দ, উল্লাসেৰে ভৰি পৰে। কাণেৰে শুনা বস্তু এটা চকুৰে চোৱাৰ হেঁপাহ দিনক দিনে বাঢ়ি আহে, সময় সুবিধা উলিয়াই শুনি থকাটো চাই আহিবলৈ মন যায়।

সেই উদ্দেশ্যেৰে নতুন বৰ্ষৰ প্ৰথমতেই ৰাজ্যৰ ভিন্ন প্ৰান্তৰ পৰা বহুতো লোকে আহি ভিৰ কৰিলেহি অসম ৰাজ্যিক চিৰিয়াখানাত। বহুতৰে হেঁপাহ আছিল মন ভৰাই বাঘ, সিংহ, ভালুক, জিৰাফ আদি টেলিভিছনৰ পৰ্দাত দেখিবলৈ পোৱা জীৱ-জন্তুবোৰ অসম ৰাজ্যিক চিৰিয়াখানাত গৈ চাম। কিন্তু আশাত যেন চেঁচা পানীহে পৰিল বুধবাৰে চিৰিয়াখানালৈ অহা একাংশ দৰ্শকৰ।

“চিৰিয়াখানাত একোৱেই নাই চাবলৈ, এনেই আহিলো তেলেহীৰ পৰা। আশা কৰি আহিছিলো, নেদেখা কিছুমান জীৱ-জন্তু চিৰিয়াখানাতে গৈ চাম। কিন্তু তেনেকুৱা চাবলগীয়া একোৱেই নাই,” এই মন্তব্য বুধবাৰে চিৰিয়াখানালৈ অহা এগৰাকী দৰ্শনাৰ্থীৰ।

আনহাতে সুদূৰ দুলীয়াজানৰ পৰা সপৰিয়ালে অহা আন এগৰাকী লোক ৰঞ্জিত বৰকটকীয়ে কয়, “মেকাও আৰু মইনা চৰাই চালো, কিন্তু মৌৰা চৰাই চাম বুলি ভাবিছিলো, কিন্তু ইয়াত এতিয়া মৌৰা নাই। যিমানখিনি জীৱ-জন্তু থাকিব লাগিছিল সিমানখিনি নাই। ঘৰত যি হিচাপ কৰি আহিছিলো কিন্তু একোৱেই নাই চাবলগীয়া।”

নলবাৰীৰ পৰা অহা বন্দিতা কলিতা নামৰ এগৰাকী মহিলায়ো একোৱেই নাই চাবলগীয়া বুলি আক্ষেপ কৰে। তেওঁ কয়, “য’তেই গৈছো সকলো কে’জ আৰু ঘৰবিলাক খালী হৈ আছে। ৩০ টকাকৈ দি প্ৰৱেশ কৰিলো, এতিয়া ৰ’দত ঘূৰি ফুৰাহে হৈছে।”

১৭৫ হেক্টৰ মাটি আগুৰি থকা অসম ৰাজ্যিক চিৰিয়াখানাখনৰ কোন দিশে কি কি জন্তু আছে, তাক দেখুৱাই দিবলৈ কোনো এগৰাকী ‘গাইড’ বৰ্তমানলৈকে নাই চিৰিয়াখানাত। এশিঙীয়া গঁড় চাবলৈ আশা পুহি অহা কৰিমগঞ্জৰ এটা পৰিয়ালে চিৰিয়াখানাত “গঁড় কোনফালে আছে” বুলি হাবাথুৰি খাই ফুৰে।

“আমি অথনিৰে পৰা গঁড় কোনফালে আছে বিচাৰি পোৱা নাই। বেলেগ চিৰিয়াখানাত গাইড একোজন থাকে, আমি এতিয়ালৈকে এজনো গাইড পোৱা নাই। ইমান এখন ডাঙৰ চিৰিয়াখানা, গতিকে গাইডৰ প্ৰয়োজন আছে,” কৰিমগঞ্জৰ পৰা অহা পৰিয়ালটোৰ ভাষ্য।

হাৰিয়ানাৰ পৰা অহা এজন যুৱকে “প্ৰায় ৪৫ মিনিট ঘূৰি কেইটামান বান্দৰ, চৰাই, বাঘ, সিংহ আৰু ভালুক দেখিছো” বুলি মন্তব্য কৰে।

ইপিনে, দৰ্শকে জন্তু চকুৰে দেখা নোপোৱাৰ পাছতো চিৰিয়াখানাত এতিয়া ১১১৭টা জন্তু আছে বুলি দাবী কৰে চিৰিয়াখানাৰ ডি এফ অ’ তেজচ মৰিস্বামীয়ে।

প্ৰসংগক্ৰমে উল্লেখ কৰিব পাৰি  বিগত বৰ্ষৰ আগষ্ট মাহত  কেনাইন ডিচটেম্পাৰ ভাইৰাছৰ সংক্ৰমণ হৈ  আঠটাকৈ শিয়ালে চিৰিয়াখানাখনত মৃত্যুক সাবটি লৈছিল। ইয়াৰোপৰি যোৱা ২৫ নবেম্বৰৰ দিনা ৰাঁচীৰ ভগৱান বীৰচা প্ৰাণী উদ্যানৰ পৰা অনা ২ টা হায়েনাৰ এটা ১০ দিন পাছতেই মৃত্যুক সাবটি ল’বলগীয়া হৈছিল। চিৰিয়াখানা কৰ্তৃপক্ষই জানিবলৈ দিয়া মতে  ২০১৮ চনত মুঠ ৬৫টাকৈ প্ৰাণীয়ে মৃত্যুক সাবটি লৈছিল চিৰিয়াখানাত।

আনহাতে বছৰৰ শেষ দিনটোত আৰু নতুন বছৰৰ আৰম্ভণিৰ দিনটোত ক্ৰমে ১ লাখ ১০ হাজাৰ টকা আৰু ৩ লাখ ৭২ হাজাৰ টকা টিকটৰ পৰা ৰাজহ সংগ্ৰহ হোৱা বুলি নৰ্থ ইষ্ট নাও-ৰ আগত দাবী কৰে তেজছ মৰিস্বামীয়ে।

Recent News

Brindaban-A

তেজপুৰৰ বৃন্দাবন পৰিব নেকি ছন! : সাংসদ পল্লৱৰ ঘোষণাত উৎফুল্লিত তেজপুৰ বিজেপি

742522c4-f4a8-4aa2-b61a-4a14339e879d

‘২০২১ত কংগ্ৰেছৰ চৰকাৰ আহিলে নাৰী সুৰক্ষাৰ বাবে মহিলা আৰক্ষী বিগ্ৰেড সৃষ্টি কৰিম’ : মহিলা কংগ্ৰেছ

Arunachal

উপগ্ৰহীয় চিত্ৰত ধৰা পৰিছে : অৰুণাচল প্ৰদেশত গাঁও নিৰ্মাণ কৰিছে চীনে!

index.jpgaa

মাৰ্ঘেৰিটাত ধঁপাত, গুটখা জাতীয় সামগ্ৰী বন্ধৰ দাবীত প্ৰতিবাদী কাৰ্যসূচী ৰূপায়ণ ‘আহোম সভা’ৰ

নৰ্থ-ইষ্ট নাও এটা মাল্টি-এপ ভিত্তিক সম্পূৰ্ণভাৱে আঞ্চলিক, দ্বিভাষিক নিউজ প’ৰ্টেল। পেচাদাৰী ব্যক্তিৰ এটা গোটৰ নেতৃত্বত এই ডিজিটেল বাতৰি প্ৰতিষ্ঠানটোৱে উত্তৰ-পূবৰ আঠখন ৰাজ্য আৰু এইবোৰৰ প্ৰতিৱেশী দেশকেইখনৰ প্ৰতিটো খা-খবৰ সামৰি লোৱাৰ চেষ্টা কৰিব। দুটাকৈ ইংৰাজী এপ আৰু এটা অসমীয়া এপৰ সংস্কৰণ থকা এইটোৱে হ’ল এই ধৰণৰ প্ৰথমটো নিউজ প’ৰ্টেল। আমি ৰাজনৈতিকভাৱে নিৰপেক্ষ আৰু দক্ষিণ-পূব আৰু দক্ষিণ এছিয়াৰ মাজৰ প্ৰকৃত বা-বাতৰিৰ সাঁকোৰ ভূমিকা ল’বলৈ চেষ্টা কৰিম।

 
Our Properties
 
  • ⚪ NORTHEAST NOW
  • ⚪ NORTHEAST JOBS
  • ⚪ NORTHEAST TENDERS
  • ⚪ INNFINITY
  • About
  • Copyright
  • Privacy Policy
  • Authors
  • Contact

© 2018 - Maintained by EZEN Software & Technology Pvt. Ltd

No Result
View All Result
  • মুখ্যপৃষ্ঠা
  • অসম
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • সংস্কৃতি
  • সাহিত্য
  • অটো
  • জলিউদ
  • জীৱনশৈলী
  • প্ৰযুক্তি
  • মনোৰঞ্জন

© 2018 - Maintained by EZEN Software & Technology Pvt. Ltd