চৰাইদেউ মৈদামলৈ বিশ্ব ঐতিহ্যক্ষেত্ৰৰ স্বীকৃতি; ইউনেস্ক’ৰ আনুষ্ঠানিক ঘোষণা

অসমৰ ঐতিহাসিক চৰাইদেউ মৈদামক ইউনেস্ক’ৰ বিশ্ব ঐতিহ্যক্ষেত্ৰত তালিকাত সাংস্কৃতিক সম্পত্তিৰ শিতানত স্থান দিয়া হৈছে। এই স্বীকৃতিয়ে ভাৰতৰ উত্তৰ-পূব অঞ্চলৰ চহকী সাংস্কৃতিক ঐতিহ্যক উজ্জ্বল কৰি তোলা অসম আৰু দেশৰ বাবে এক উল্লেখযোগ্য মাইলৰ খুঁটি হিচাপে পৰিগণিত হৈছে।

অসমৰ মুখ্যমন্ত্রী হিমন্ত বিশ্ব শর্মাই ছ’চিয়েল মিডিয়াত আনন্দ প্রকাশ কৰি প্রধানমন্ত্রী নৰেন্দ্র মোদী, ইউনেস্ক’ৰ বিশ্ব ঐতিহ্য সমিতি, আৰু অসমবাসীক এই সাফল্যৰ বাবে ধন্যবাদ জ্ঞাপন কৰে৷

পিৰামিড সদৃশ গঠনেৰে চিহ্নিত অনন্য সমাধিস্থল ‘মৈদাম’ টাই-আহোম বংশৰ আৰু ইয়াৰ ঐতিহাসিক আৰু সাংস্কৃতিক তাৎপৰ্য গভীৰ। এই অন্তৰ্ভুক্তিয়ে ভাৰতৰ বৈচিত্ৰময় সাংস্কৃতিক ঐতিহ্যৰ স্বীকৃতি বৃদ্ধি কৰাই নহয় উত্তৰ-পূব অঞ্চলৰ অনন্য সাংস্কৃতিক কীৰ্তিসমূহৰ সংৰক্ষণৰ প্ৰয়োজনীয়তাৰ ওপৰতো আলোকপাত কৰে।

ভাৰতৰ উত্তৰ-পূব অঞ্চলৰ পৰা এই সন্মান লাভ কৰা প্ৰথমটো সাংস্কৃতিক স্থান হিচাপে ‘মৈদাম’ৰ স্বীকৃতিয়ে অসমৰ পৰা অধিক সাংস্কৃতিক চিহ্ন আন্তঃৰাষ্ট্ৰীয় প্ৰশংসা আৰু সুৰক্ষা লাভ কৰাৰ পথ প্ৰশস্ত কৰিছে।