ইউৰোপৰ দেশ চেক গণৰাজ্যৰ ৰাজধানী প্ৰাগৰ চাৰ্লছ বিশ্ববিদ্যালয়ত বন্দুকধাৰীৰ আক্ৰমণত ১৫ জন লোক নিহত হয়। অৱশ্যে আৰক্ষীৰ গুলীত বন্দুকধাৰীজনো নিহত হোৱা বুলি জানিব পৰা গৈছে। এই ঘটনাত আৰু ২৪ জন লোক আহত হয়।
বৃহস্পতিবাৰে স্থানীয় সময় অনুসৰি বিয়লি ৩ বজাত চাৰ্লছ বিশ্ববিদ্যালয়ৰ কলা অনুষদত সংঘটিত হয় বন্দুকৰ আক্ৰমণ। চতুৰ্দশ শতিকাৰ বিখ্যাত চাৰ্লছ দলঙৰ কাষতে অৱস্থিত। সেই ঠাইলৈ পৃথিৱীৰ বিভিন্ন প্ৰান্তৰ পৰা দৰ্শনাৰ্থী আহে।
এই আক্ৰমণৰ পিছতে বিশ্ববিদ্যালয়খনৰ গাতে লাগি থকা কেইবাটাও পথ বন্ধ কৰি দিয়া হয়। অৱশ্যে গুলীচালনাত কোন কোন নিহত হৈছে সেই সন্দৰ্ভত কোনো বিতং তথ্য দিয়া হোৱা নাই।
প্ৰাগেৰ আৰক্ষী অধীক্ষক মাৰ্টিন ভণ্ড্ৰাচেকে কয় যে আক্ৰমণকাৰীজন এজন ছাত্ৰ। অৱশ্যে সবিশেষ তথ্য তেওঁ দিয়া নাই। ইয়াৰ উপৰিও বন্দুকধাৰীজনৰ নাম আৰক্ষীয়ে এতিয়াও প্ৰকাশ কৰা হোৱা নাই।
লগতে পঢ়কঃ চেমছনৰ শতক, অৰ্শদীপ-সুন্দৰৰ দুৰ্দান্ত বলিং; দক্ষিণ আফ্ৰিকাৰ বিৰুদ্ধে এদিনীয়া শৃংখলা জয় ভাৰতৰ
চেক গণৰাজ্যৰ ইতিহাসত কেতিয়াও এনে গণ গুলীচালনা অৰ্থাৎ নিৰ্বিচাৰ গুলীচালনা হোৱা নাই। বৃহস্পতিবাৰে (২১ ডিচেম্বৰ) ৰাজধানী প্ৰাগৰ পুৰণি চহৰৰ ওচৰৰ চাৰ্লছ বিশ্ববিদ্যালয়ৰ কলা অনুষদৰ ভৱনত এজন ছাত্ৰই গুলীচালনা কৰি কমেও ১৪ জন লোক নিহত হোৱাৰ লগতে ২৫ জন আহত হয়। এই ঘটনাত বন্দুকধাৰীজনৰ নিজেও মৃত্যু হয়। প্ৰথম অৱস্থাত এই ঘটনাৰ সৈতে ৰাছিয়াৰ সম্পৰ্ক আছে। এতিয়ালৈকে আৰক্ষীয়ে প্ৰকাশ কৰা নাই দুৰ্বৃত্তৰ পৰিচয়। অৱশ্যে স্থানীয় সংবাদ মাধ্যমৰ বাতৰি অনুসৰি বন্দুকধাৰীজনৰ নাম ডেভিদ কোজাক (২৪) বুলি চিনাক্ত কৰা হৈছে। প্ৰতিবেদনত আৰু কোৱা হৈছে যে নিৰ্বিচাৰে গুলীচালনাৰ পিছত তেওঁ হয়তো আত্মহত্যা কৰিছে।
আৰক্ষীয়ে এতিয়াও নিহতসকলৰ বিষয়ে বা ছাত্ৰজনে কিয় গুলীচালনা কৰিলে তাৰ কোনো সবিশেষ তথ্য প্ৰকাশ কৰা নাই । অৱশ্যে চেক ৰাষ্ট্ৰৰ গৃহ মন্ত্ৰী ভিট ৰাকুছানে জনাইছে যে ইয়াৰ সৈতে কোনো উগ্ৰবাদী মতাদৰ্শ বা গোটৰ সৈতে কোনো সম্পৰ্ক নাই।
তদন্তকাৰীয়ে জনোৱা মতে, বন্দুকধাৰীয়ে বিশ্ববিদ্যালয়ত উপস্থিত হোৱাৰ পূৰ্বেই ছাত্ৰজনৰ পিতৃকো গুলীয়াই হত্যা কৰে। অৱশ্যে তেওঁৰ কোনো পূৰ্বৰ অপৰাধজনিত ইতিহাস নাই।
অৱশ্যে ডেভিদ কোজাকৰ ছ’চিয়েল মিডিয়াত প্ৰকাশ পোৱা তথ্য অনুসৰি শেহতীয়াকৈ ৰাছিয়াত সংঘটিত সন্ত্ৰাসবাদী আক্ৰমণৰ ফলত তেওঁ এই আক্ৰমণ সংঘটিত কৰিবলৈ অনুপ্ৰাণিত হৈছিল। আইনগতভাৱে তেওঁৰ হাতত আছিল কেইবাটাও আগ্নেয়াস্ত্ৰ।
চেক আৰক্ষীয়ে জনোৱা মতে, চলিত মাহৰ আৰম্ভণিতে ইউক্ৰেইনৰ সীমান্তৰ ওচৰৰ ৰাছিয়াৰ ব্ৰাইয়ানস্কত আৰু ২০২১ চনত কাজানত হোৱা আন এক গুলীচালনাৰ পৰা কোজাক অনুপ্ৰাণিত হৈছিল।
লগতে পঢ়কঃ ফেচবুক কৰ্ণাৰ : আলফাত যোগদান কৰা সাংবাদিক বিদ্যুৎ মহন্তৰ পত্নীৰ এটা ফেচবুক পোষ্ট
১০ ডিচেম্বৰত ছ’চিয়েল মিডিয়াত দিয়া এটা পোষ্টত তেওঁ লিখিছে, ‘এলিনাই মোৰ প্ৰেৰণা। অৱশ্যে তেওঁ যথেষ্ট হত্যা কৰিব নোৱাৰিলে। মই সেইটো ঠিক কৰি দিম।’ ইয়াৰ তিনিদিন আগতে ব্ৰাইয়ানস্কৰ স্কুলত এলিনা আফানাস্কিনা নামৰ ১৪ বছৰীয়া এগৰাকী কিশোৰীৰ গুলীত মৃত্যু হৈছিল তেওঁৰ দুগৰাকী সহপাঠীৰ।
যোৱা ১৭ ডিচেম্বৰত কোজাকো লিখিছিল, ‘মই এই পৃথিৱীখনক ঘৃণা কৰো আৰু যিমান পাৰো কষ্ট দি যাব বিচাৰো।’ আন এটা পোষ্টত তেওঁ লিখিছিল, ‘মই সদায় হত্যা কৰিব বিচাৰো। মই ভয় খাওঁ, ভৱিষ্যতে বোধহয় মই পাগল হৈ যাম।” আৰু, ১৯ ডিচেম্বৰৰ শেষৰটো পোষ্টত তেওঁ লিখিছিল, “মোৰ কাণত সিহঁতে কথা পাতিছে… মহৰ দৰে। মোৰ কাণ ফাটি গৈছে।”
