Bangladesh ferry blaze বাংলাদেশৰ ৰাজধানী ঢাকাৰ পৰা কিছু নিলগত নদীৰ মাজত এখন যাত্ৰীবাহী ফেৰীত পুৱতি নিশা এক বিধ্বংসী অগ্নিকাণ্ডৰ ঘটনা সংঘটিত হৈছে।এই ঘটনাত কমেও ৩৬জন লোকৰ মৃত্যু ঘটাৰ উপৰি আন বহু লোক আহত হৈছে।
বাতৰি অনুসৰি, বৃহস্পতিবাৰে সন্ধিয়া ঢাকাৰ পৰা দেশখনৰ দক্ষিণৰ বৰগুণালৈ গৈ আছিল ফেৰীখন। নিশা ৩ বজাত ঝালকাঠিৰ সুগন্ধা নদীত উপস্থিত হোৱাৰ সময়তে হঠাতে ফেৰীখনত জুই লাগে।
ফেৰীখন পাৰ পোৱাৰ পাছতে ৫খনকৈ অগ্নিনিৰ্বাপক গাড়ীয়ে জুই নুমৱাবলৈ আৰম্ভ কৰে যদিও ইতিমধ্যে বহু যাত্ৰীৰ অগ্নিদগ্ধ হৈ মৃত্যু ঘটে।
Also Read:অসম ৰাজ্যিক চিৰিয়াখানাত জিৰাফ ‘ৰঙিলী’ৰ মৃত্যু
শেহতীয়া খৱৰ অনুসৰি, ফেৰীখনৰ পৰা ৩৬জন লোকৰ মৃতদেহ উদ্ধাৰ কৰা হৈছে। বহুতো আহত লোকক চিকিৎসাৰ বাবে প্ৰেৰণ কৰা হৈছে। নিহত তথা আহত লোকৰ সংখ্যা আৰু বৃদ্ধি পোৱাৰ সম্ভাৱনা আছে। কিয়নো এতিয়াও বহু যাত্ৰী নিখোজ হৈ আছে।
At least 32 people were killed and 100 injured after a ferry carrying 500 caught fire in Bangladesh's #Jhalokati district. pic.twitter.com/DBkuNSaAYP
— Afroz Alam (@AfrozJournalist) December 24, 2021
জানিব পৰা মতে, ফেৰীখনত প্ৰায় এক হাজাৰ যাত্ৰী আছিল। ডাঠ কুঁৱলীৰ বাবে অগ্নিনিৰ্বাপক বাহিনীয়ে জুই নুমুৱাত যথেষ্ট আহুকালৰ সন্মুখীন হয়।
অগ্নিকাণ্ডৰ উৎস সম্পৰ্কে এতিয়াও নিশ্চিত হোৱা নাই যদিও ফেৰীখনৰ ইঞ্জিনৰ পৰাই অগ্নিকাণ্ড সংঘটিত হোৱাৰ অনুমান কৰা হৈছে।
