Riot Inside Prison ইকুৱেডৰৰ এখন কাৰাগাৰত সংঘটিত হোৱা ভয়ানক সংঘৰ্ষত ৬৮জন কাৰাবন্দী নিহত হৈছে। এই ঘটনাত আন কমেও ৩৫জন লোক আহত হোৱাৰ খৱৰ পোৱা গৈছে।
বাতৰি অনুসৰি, শুকুৰবাৰে সন্ধিয়া দেশখনৰ গোৱাকিল চহৰৰ লিটোৰাল পেনিটেনশ্বিয়াৰিত এই ৰক্তাক্ত সংঘৰ্ষৰ ঘটনা সংঘটিত হৈছে।
দেশখনৰ আৰক্ষীয়ে কাৰাগাৰৰ ভিতৰত প্ৰৱেশ কৰি বন্দুক আৰু বিস্ফোৰক উদ্ধাৰ কৰিছে।
Also Read: Manipur Ambush মণিপুৰৰ সন্ত্ৰাসবাদীৰ ভয়ংকৰ এম্বুশ্বত শ্বহীদ অসমৰ বাক্সা জিলাৰ সুমন স্বৰ্গীয়াৰী
উল্লেখ্য যে এই বছৰৰে যোৱা ছেপ্টেম্বৰ মাহত শেষৰ পিনে দেশখনৰ সেই কাৰাগাৰৰ আন এক সংঘৰ্ষৰ ঘটনাত কমেও ১১৫জন কাৰাবন্দী নিহত হৈছিল।
ইয়াকে লৈ চলিত বছৰতেই দেশখনৰ বিভিন্ন কাৰাগাৰত সংঘটিত হোৱা সংঘৰ্ষত প্ৰায় ৩০০ কাৰাবন্দীৰ মৃত্যু হৈছে। বাতৰি অনুসৰি, দেশখনৰ কাৰাগাৰসমূহত মুঠতে ৩৯হাজাৰ কাৰাবন্দী আছে।
ইকুৱেডৰৰ ৰাষ্ট্ৰপতি গুইলাৰমো লাছোই ইয়াৰ পূৰ্বে কাৰাগাৰসমূহত পৰিস্থিতি নিয়ন্ত্ৰণৰ বাবে জৰুৰী ব্যৱস্থা জাৰি কৰিছিল। দেশখনৰ কাৰাগাৰসমূহত সংঘৰ্ষৰ ঘটনা ৰোধ কৰাৰ বাবে সেনা বাহিনীয়েও কাম কৰি আছে।
কাৰাগাৰ কৰ্তৃপক্ষই জানিবলৈ দিয়া মতে কাৰাবন্দীসকলৰ অপৰাধী চক্ৰৰ সৈতে যোগাযোগ আছে। ড্ৰাগছ সৰবৰাহক লৈয়ে তেওঁলোকৰ মাজত প্ৰধানত: সংঘৰ্ষ হোৱা বুলি কোৱা হৈছে।