ভাৰত চৰকাৰৰ অটল পেন্সন যোজনা(APY)ই আকৰ্ষণীয় সুবিধা আগবঢ়াইছে ভাৰতৰ নাগৰিকৰ বাবে।
পেন্সন ফাণ্ড ৰেগুলেটৰী এণ্ড ডেভ’লেপমেন্ট অথ’ৰিটি(PFRDA) ৰ অধীনত এই যোজনাই ১৮ বছৰৰ পৰা ৪০ বছৰৰ নাগৰিকৰ বাবে বীমা সম্পৰ্কীয় কিছুমান বিশেষ সুবিধা আগবঢ়াইছে।
APY ৰ অৰ্হতাৰ মাপকাঠি
সামাজিক নিৰাপত্তা আঁচনি হিচাপে মুকলি কৰা এই আঁচনিৰ অধীনত ৬০ বয়স হোৱাৰ লগে লগে পৰা ১,০০০ পৰা ৫,০০০ টকালৈকে পেন্সন লাভ কৰিব পাৰিব। ১৮ৰ পৰা ৪০ বছৰৰ ভিতৰৰ ভাৰতীয় নাগৰিকে এই আঁচনিৰ সুবিধা লাভ কৰিব পাৰিব।
APY প্ৰিমিয়াম
আঁচনিৰ চাইক্ৰাইবাৰে মাহিলি, তিনিমহীয়া আৰু ছমহীয়া কিষ্টিত প্ৰিমিয়াম দিব পাৰিব।
APY পেন্সনৰ গ্যেৰাণ্টি
আঁচনিৰ অধীনত প্ৰিমিয়াম হিচাপে জমা কৰা ধনৰ পৰা পলিচি হ’ল্ডাৰে ৬০ বছৰৰ পৰা পেন্সন লাভ কৰিব। পলিচি হ’ল্ডাৰে প্ৰিমিয়াম হিচাপে জমা কৰা ধনৰ ওপৰত ভিত্তি কৰি পেন্সনৰ পৰিমাণ নিৰূপন কৰা হ’ব।
APYৰ আয়কৰ সুবিধা
APYৰ আঁচনিত জমাকৰ্তাই ২ লাখ টকালৈকে 80CCD (1) আয়কৰ এক্ট ১৯৬১ৰ অধীনত আয়কৰ সম্বন্ধীয় কিছুমান সুবিধাও লাভ কৰিব।
APYৰ ন্যূনতম আৰু সৰ্বোচ্চ প্ৰিমিয়াম
মাহে ১,০০০ ৰ পৰা ৫,০০০ টকাৰ পেন্সন লাভ কৰিব পাৰিব এই আঁচনিৰ হিতাধিকাৰীয়ে। ১৮ বছৰ পৰা আৰম্ভ কৰা ব্যক্তিয়ে ৪২ টকাৰ পৰা ২১০ টকাকৈ মাহিলি জমা কৰিব লাগিব। আনহাতে ৪০ বছৰৰ ব্যক্তিয়ে মাহিলি ২৯১ টকাৰ পৰা ১,৪৫৪ টকাকৈ জমা থব লাগিব।
অৰিহণা
প্ৰিমিয়ামক ইয়াত অৰিহণা বুলি কোৱা হৈছে। ১৮ৰ পৰা ৩৯ বছৰৰ ভিতৰত মাহিলি ১২৬ টকাৰ পৰা ৭৯২ টকাকৈ জমা কৰিলে ন্যূনতম পেন্সনৰ গ্যাৰাণ্টি হৈছে ৩,০০০ টকা। ডেথ বেনিফিট হিচাপে পৰিয়ালে লাভ কৰিব ৫.১ লাখ টকা।
১৮ৰ পৰা ৩৯ বছৰৰ ভিতৰত মাহিলি ১৬৮ টকৰা পৰা ১০৫৪ টকা জমা কৰিলে পেন্সনৰ গ্যাৰাণ্টি হৈছে ৪,০০০ টকা। ইয়াৰ ডেথ বেনিফিট ৬.৮ লাখ টকা।
৫,০০০ টকাৰ মাহিলি পেন্সনৰ ন্যূনতম গ্যাৰাণ্টিৰ বাবে বয়সৰ উক্ত সময় সীমাৰ ভিতৰত প্ৰিমিয়ামৰ পৰিমাণ হ’ব ২১০ টকাৰ পৰা ১৩১৮ টকা। যাৰ ডেথ বেনিফিট হ’ব ৮.৫ লাখ টকা।
