অসম চৰকাৰৰ কৃষি মন্ত্ৰী অতুল বৰাই আজি বোকাখাতত অগ্ৰণী সংবাদসেৱী সংগঠন কাজিৰঙা নিউজ নেটৱৰ্কৰ দ্বাৰা পৰিচালিত ৱেব পৰ্টেল কে এন এন বোকাখাত লাইভৰ নিজা ষ্টুডিঅ’ আনুষ্ঠানিকভাৱে মুকলি কৰে।
ষ্টুডিঅ’টো মুকলি কৰি কৃষি মন্ত্ৰী বৰাই গণতন্ত্ৰৰ চতুৰ্থ স্বম্ভ হিচাপে বৈদ্যুতিন মাধ্যমেও সমানে দায়বদ্ধতা পালন কৰিছে বুলি মন্তব্য প্ৰকাশ কৰে।
বিগত সময়ছোৱাত কে এন এন বোকাখাত লাইভে একনিষ্ঠ সংবাদ সেৱাৰ জড়িয়তে বোকাখাতৰ সমাজ তথা জাতিলৈ আগবঢ়োৱা বৰঙণিৰ কথা উল্লেখ কৰি অনাগত সময়তো কে এন এন-ৰ সেৱা অব্যাহত থকাৰ কামনা কৰে।
আনহাতে, ষ্টুডিঅ’ উদ্বোধনী অনুষ্ঠানত বিশিষ্ট অতিথি হিচাপে উপস্থিত থাকি বক্তব্য প্ৰদান কৰে ক্ৰমে অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা, নুমলীগড় শোধনাগাৰৰ মুখ্য প্ৰবন্ধক ড০ কাজল শইকীয়া, বোকাখাত প্ৰেছ ক্লাৱৰ সভাপতি ভৱানন্দ কলিতা আৰু বিশিষ্ট উদ্যোগপতি তথা সমাজকৰ্মী নৰেন্দ্ৰ কুমাৰ হাজৰিকাই।
অনুষ্ঠানৰ আঁত ধৰে ৰূপজ্যোতি ভড়ালীয়ে । অনুষ্ঠানত বোকাখাত পুৱতি সাহিত্য সভাৰ প্ৰাক্তন সভাপতি কল্পনা চেতিয়া, বোকাখাত পুৱতি সাহিত্য সভাৰ সম্পাদক গীতাঞ্জলি কলিতা, বোকাখাত শ্বহীদ কমলা মিৰি অসামৰিক চিকিৎসালয়ৰ মহকুমা স্বাস্থ্য আৰু চিকিৎসা বিষয়া ডাঃ ভাৰত ফুকন, বিশিষ্ট নাট পৰিচালক বিজয়ানন্দ হাজৰিকা, শিক্ষক সত্যেন গগৈ, বোকাখাত মহকুমা কবি সন্মিলনৰ সম্পাদক মনালিছা শইকীয়া , কবি মৃদুস্মিতা শৰ্মা আৰু তেজেন হাজৰিকাৰ উপৰিও কে এন এন-ৰ অধ্যক্ষ বদন দুৱৰা আৰু মুখ্য সচিব প্ৰদ্যুত মহন্ত, প্ৰশাসক ক্ৰমে দিব্যজ্যোতি হাজৰিকা, ৰত্নেশ্বৰ মৰাং, প্ৰদীপ হাজৰিকা প্ৰমুখ্যে কে এন এন পৰিয়ালৰ সাংবাদিক আৰু অন্যান্য সদস্য সকল, স্থানীয় সাংবাদিক সকলৰ লগতে অন্যান্য স্থানীয় গণ্যমান্য ব্যক্তি সকল উপস্থিত থাকে ।
