আইপিএল- ত সমাপ্ত হোৱা নাই এবি ডি ভিলিয়াৰ্চ চমক; এইবাৰ প্ৰৱেশ ‘বেবী এবি’ৰ

এবি ডি ভিলিয়াৰ্চ! এনে কোনো ক্ৰিকেট প্ৰেমী নাই, যি এই তাৰকা খেলুৱৈজনক পচন্দ নকৰিব। আইপিএল- ত ডি ভিলিয়াৰ্চে দিছিল এক বিশেষ চমক।

পোন প্ৰথমে দিল্লীৰ হৈ খেলা ডি ভিলিয়াৰ্চ পিছলৈ হৈ পৰিছিল ৰয়েল চেলেঞ্জাৰ্চ বাঙ্গালোৰৰ অবিচ্ছেদ্য অংগ। আইপিএল- তকোহলী-ভিলিয়াৰ্চৰ যুটিয়ে মুহিছিল অসংখ্য ক্ৰিকেট প্ৰেমীক।

ইতিমধ্যে ভিলিয়াৰ্চে এইবাৰৰ আইপিএল- ত ভাগ নলয় বুলি স্পষ্ট কৰিছিল। তথাপি ক্ৰিকেট প্ৰেমীয়ে এইবাৰো আইপিএল- ত পাব এবি ডি ভিলিয়াৰ্চৰ খেলৰ সোৱাদ।

প্ৰকৃততে এইবাৰ আইপিএল- ত প্ৰৱেশ ঘটিছে ‘বেবী এবি’ ৰ। এইবাৰ ৰয়েল চেলেঞ্জাৰ্চ বাঙ্গালোৰৰ হৈ নহয়, মুম্বাই ইণ্ডিয়াঞ্চৰ নীলা জাৰ্ছী পিন্ধি ফিল্ডত নামিব এবি।

এই বেবী এবি আন কোনো নহয়। সদ্য সমাপ্ত ১৯ অনুৰ্দ্ধ বিশ্বকাপত চমকপ্ৰদ প্ৰদৰ্শনেৰে দৃষ্টি আকৰ্ষণ কৰা দক্ষিণ আফ্ৰিকাৰ বেটাৰ ডেৱাল্ড ব্ৰেভিছ।

বেবী এবি ডেৱাল্ড ব্ৰেভিছক ৩ কোটি টকাত ক্ৰয় কৰিছে মুম্বাই ইণ্ডিয়াঞ্চে। ১৯ অনুৰ্দ্ধ বিশ্বকাপৰ পাছতেই আইপিএল- ত খেলুৱৈজনৰ সম্ভাৱনা বৃদ্ধি পাইছিল।

Mumbai Indians 🤜🤛 Top Talents 💎

Can’t wait to see you in the Blue & Gold, Baby AB! 💙#OneFamily #MumbaiIndians #AalaRe #IPLAuction @Dewald17Brevis pic.twitter.com/iukVGYmZ3A

— Mumbai Indians (@mipaltan) February 12, 2022

সদ্য সমাপ্ত ১৯ অনুৰ্দ্ধ বিশ্বকাপত উৎকৃষ্ট প্ৰদৰ্শন দাঙি ধৰা ব্ৰেভিছ টুৰ্নামেণ্টৰ শ্ৰেষ্ঠ খেলুৱৈ হিচাপে বিবেচিত হৈছিল। ৮৪.৩৩ গড়ে অভিলেখ ৫০৬ ৰাণ সংগ্ৰহ কৰিছিল খেলুৱৈজনে।

ব্ৰেভিছৰ খেলৰ শৈলী দক্ষিণ আফ্ৰিকাৰ তাৰকা খেলুৱৈ এবি ডি ভিলিয়াৰ্চৰ সৈতে কিছু মিল থকাৰ বাবে তেওঁক বেবী এবি বুলি অভিহিত কৰা হৈছে। ১৯ অনুৰ্দ্ধ বিশ্বকাপৰ এখন খেলৰ সময়ত ব্ৰেভিছৰ সতীৰ্থই ‘বেবী এবি’ লিখা এখন প্লে’কাৰ্ড প্ৰদৰ্শন কৰিছিল।

ইয়াৰ পিছতেই বেবী এবি নামেৰে চৰ্চিত হৈ পৰিছিল ব্ৰেভিছ। ক্ৰিকেট কেৰিয়াৰত নিজৰ অনবদ্য প্ৰদৰ্শনেৰে চাপ এৰি যোৱা এবি ডি ভিলিয়াৰ্চৰ নামেৰে ইতিমধ্যেই জনপ্ৰিয় হোৱা ব্ৰেভিছে কিদৰে ক্ৰিকেট প্ৰেমীক আকৃষ্ট কৰিব পাৰে সেয়া লক্ষ্যণীয় হ’ব।