বিধানসভা নির্বাচনৰ ২৭ মাৰ্চত হব লগীয়া প্ৰথম পৰ্য্যায়ৰ ভোটগ্ৰহণৰ বাবে ৯৩ নং বোকাখাত বিধানসভা সমষ্টিত সকলোধৰণৰ যাৱতীয় প্ৰস্তুতি সম্পূর্ণ কৰি তুলিছে মহকুমা প্ৰশাসনে।
সমষ্টিটোত প্রিজাইডিং আৰু পুলিং বিষয়া আৰু মাইক্র অবজাৰভাৰ সকলৰ প্রশিক্ষণ কার্য সম্পন্ন কৰি ১৭ গৰাকী চেক্টৰ বিষয়াৰ অধীনৰ ১৭ টা চেক্টৰৰ ২১৬ টা ভোটগ্রহণ কেন্দ্রৰ বাবে ২৩৮ গৰাকী প্রিজাইডিং, ৭১৪ গৰাকী পুলিং বিষয়া আৰু ২৪ গৰাকী মাইক্র অবজাৰভাৰ নিযুক্তি দিয়া হৈছে৷লগতেব্ৰহ্মপুত্ৰ নদীৰ লহৰে চাপৰিত ১ গৰাকী চাব-চেক্টৰ বিষয়াক নিযুক্তি দিয়া হৈছে।
২৬ মাৰ্চত এইসকল বিষয়াই নিজ নিজ ভোটগ্ৰহণ কেন্দ্ৰলৈ যাত্ৰী কৰিব৷
উল্লেখযোগ্য যে, বোকাখাত সমষ্টিত ২৬ টা ভোটগ্রহণ কেন্দ্র কেৱল মহিলা বিষয়াৰ দ্বাৰা পৰিচালিত হ’ব।
ইয়াৰ উপৰিও ২ টা ভোটগ্রহণ কেন্দ্র ক্ৰমান্বয়ে ৬২ নং বোকাখাত হিন্দী হাইস্কুল আৰু ৬৫ নং বোকাখাত উচ্চতৰ মাধ্যমিক বিদ্যালয় ভোটগ্রহণ কেন্দ্র দুটাক মডেল ভোটগ্ৰহণ কেন্দ্র হিচাপে গঠন কৰি তুলিছে মহকুমা প্ৰশাসনে।
সমষ্টিটোৰ বিভিন্ন ভোটগ্রহণ কেন্দ্ৰলৈ বিষয়া-কৰ্মচাৰীসকল যাবলৈ বাবে সৰু-বৰ প্রায় ২৫০ খন বাহন অধিগ্রহণ কৰা হৈছে।
আনহাতে এইবাৰ নিৰ্বাচনত ইভিএমৰ লগত নতুনকৈ সংযোজন হোৱা ভিভিপেট সম্পর্কতো বোকাখাত নিবার্চনী জিলাৰ অন্তর্গত বিভিন্ন এলেকাত সজাগতা সভা অনুষ্ঠিত কৰি ভোটাৰ ৰাইজক প্রশিক্ষণ প্রদান কৰা কাৰ্যও সম্পুৰ্ণ কৰিছে প্ৰশাসনে।
২৬ মার্চ, ২০২১ তাৰিখে পুৱা ৮.০০ বজাৰ পৰা বিভিন্ন ভোটগ্রহণ কেন্দ্রলৈ যাবলগীয়া প্রিজাইডিং আৰু পুলিং বিষয়াসকলক নিৰ্বাচনৰ সা-সামগ্রী মহকুমাধিপতি কাযালয় চৌহদত বিতৰণ কৰা হ’ব বুলি মহকুমাধিপতি তথা জিলা নির্বাচনী বিষয়া বিপুল দাসে জনাইছে৷
উল্লেখ্য যে, ৯ মার্চত প্রকাশ পােৱা ২০২১ চনৰ চুড়ান্ত ভোটাৰ তালিকা অনুসৰি বোকাখাত নির্বাচনী জিলাত মুঠ ভোটাৰৰ সংখ্যা হৈছেগৈ ১.৪৭,৪৮৭।
ইয়াৰে পুৰুষ ভোটাৰৰ সংখ্যা হৈছে ৭৩৭৯৮ গৰাকী, মহিলা ভোটাৰৰ সংখ্যা হৈছে ৭৩,৬৮৬ তাৰু তৃতীয় লিংগৰ ভোটাৰ হৈছে ৩ গৰাকী।
