পুনৰ ছয়জনকৈ জেহাদীক গ্ৰেপ্তাৰ কৰিবলৈ সক্ষম হৈছে বৰপেটা আৰক্ষী।
বৰপেটাৰোডৰ সমীপৰ কাটাঝাৰত আৰক্ষীয়ে দুই জেহাদীক আটক কৰিছে ৷
আটক কৰা জেহাদী দুই ভাতৃহৈছে ক্ৰমে মুছাৰফ হুছেইন আৰু মকিবুল ইছলাম ৷ ইয়াৰ ভিতৰত মহিবুল ইছলাম পি এফ আইৰ সৈতে জড়িত থকা বুলি আৰক্ষীয়ে প্ৰকাশ কৰিছে।
বৰপেটা জিলা আৰক্ষী অধীক্ষক অমিতাভ সিনহাই সংবাদমেল যোগে জনোৱা মতে আৰক্ষীয়ে এক অভিযান চলাই কাটাঝাৰৰ এই দুজন জেহাদীৰ উপৰি হাউলী কুমল্লীপাৰাৰ ছাদ্দাম, সৰুক্ষেত্ৰীৰ ক্ষুদ্ৰ ফালাদী গাৱৰ মুফটি ছুলেইমান, ছুলেইমান, হাউলীৰ খন্দকাৰপাৰাৰ জাহিদুল ইছলাম, ধানবন্ধা গৰৈমাৰী পথাৰৰ ৰছিদুল ইছলামক আটক কৰিছে ৷
এই ৬ জন জেহাদীক বৰপেটা সদৰ থানাত ৰুজু হোৱা 419/2022 নম্বৰ গোচৰত U/S 120(b)/121/121A IPC R/W Sec17/18/18B/19/20 UA(P) Act ৰ অধীনত গ্ৰেপ্তাৰ কৰা হৈছে ৷
উল্লেখ্য যে, বৰপেটাত বাহৰ পাতি থকা আল-কায়দা ইন ইণ্ডিয়ান চাব-কন্টিনেন্ট চমুকৈ AQIS ৰ সৈতে প্ৰত্যক্ষভাৱে জৰিত জেহাদী মহম্মদ সুমন ওৰফে ছাইফুল ইছলাম ওৰফে হাৰুণ ৰচিদক যোৱা ৪ মাৰ্চত আৰক্ষীয়ে গ্ৰেপ্তাৰ কৰিছিল ৷
তেওঁৰ স্বীকাৰোক্তিৰ ভিত্তিতে বৰপেটা আৰক্ষীয়ে শেহতীয়াকৈ পুনৰ ৬ টাকৈ অল কায়দাৰ জেহাদীক গ্ৰেপ্তাৰ কৰিবলৈ সক্ষম হয় ৷