আজি ৩ নৱেম্বৰ শনিবাৰে পুৱঁতি নিশা প্ৰায় ৩-০০ মান বজাত বশিষ্ঠ আৰক্ষী আৰু যোৰাবাট আৰক্ষীয়ে এটা যুটীয়া অভিযান চলাই অবৈধ ভাৱে কয়লা সৰবৰাহ কৰা ৩খন ট্ৰাক জব্দ কৰিবলৈ সক্ষম হয়।
UP32 LN 0246 নম্বৰত পঞ্জীয়নভুক্ত ট্ৰাকখন ১৫ মাইল অৱিশ কাটাৰ পৰা বিহাৰ সমষ্টিপুৰলৈ গৈ আছিল আৰু NL 01AA 8526 আৰু NL O1AA 8551 নম্বৰত পঞ্জীয়নভুক্ত ট্ৰাকদুখন বৰ্ণিহাটৰ পৰা গুৱাহাটীৰ লালমাটি লৈ গৈ আছিল।
এই সন্দৰ্ভত আৰক্ষীয়ে ৫জন লোকক ইতিমধ্যে আটক কৰিছে। আৰক্ষীৰ হাতত গ্ৰেপ্তাৰ হোৱা ৫জন লোকৰ ভিতৰত ৩জন ট্ৰাক চালক।
আটক কৰা লোককেইজনক আৰক্ষীয়ে সোধ-পোছ অব্যাহত ৰাখিছে। গ্ৰেপ্তাৰ হোৱা ৩খন ট্ৰাকৰ চালক কেইজনৰ নাম হ’ল বিহাৰৰ সুশীল কুমাৰ , শ্বিলঙৰ বনছন ননগ্ৰাং আৰু আৰফিছৰ ননগ্ৰাং।