গুগল এপ ষ্ট’ৰত একাধিক বিপদজনক এপ্লিকেশ্যন আছে যিবোৰ কেতিয়াও স্মাৰ্টফোনত ৰখাটো উচিত নহয়।
প্ৰধানকৈ এণ্ড্ৰইড ভিত্তিক এই এপবোৰে ফোনৰ সুৰক্ষাৰ প্ৰতি ভাবুকিৰ সৃষ্টি কৰে। ফোনৰ গোপন তথ্যসমূহ সকলো সময়তে এই এপবোৰে ট্ৰ্যেক কৰে।
গুগলে ইয়াৰ ভিতৰত ২১টা এপ বিচাৰি উলিয়াইছে যাৰ ভিতৰত লুকাই আছে মেলৱয়াৰ। এই এপসমূহৰ বেছিভাগেই গেমিং এপ।
ইয়াৰ ডাউনলোড কৰাৰ সময়ত এই এপ্লিকেশ্যনে দাবী কৰে যে ই গেমিং আৰু ভাৰ্চুৱেল অভিজ্ঞতা প্ৰদান কৰিব।
বিপদজনক কথাটো হ’ৱ আপোনাৰ বেংক একাউন্টত কিমান টকা আছে তথা আপোনাৰ য়ুপিআই পিন কী এই সকলো সুৰক্ষামূলক তথ্য এই এপবোৰে ট্ৰ্যেক কৰে।
গুগলে এনে বহুকেইটা এপ বিচাৰি উলিয়াইছে আৰু সেইবোৰৰ ভিতৰত ২১টা এপ আঁতৰ কৰা হৈছে। তথাপি, এতিয়াও ১৯টা এপ সন্দেহৰ আৱৰ্তত আছে।
সাধাৰণতে ছচিয়েল মিডিয়াত এনেধৰণৰ আকৰ্ষণীয় এপৰ বিজ্ঞাপন দেখা যায়। যিবোৰা দেখি বহুতো য়ুজাৰে তাক ডাউনলোড কৰাৰ বাবে তৎপৰ হৈ পৰে।
এনে এপসমূহ হ’ল Shoot Them, Crush Car, Rolling Scroll, Helicopter Attack – NEW, Assassin Legend – 2020 NEW, Helicopter Shoot, Rugby Pass, Flying Skateboard, Iron it, Shooting Run, Plant Monster, Find Hidden, Find 5 Differences – 2020 NEW, Rotate Shape, Jump Jump, Find the Differences – Puzzle Game, Sway Man, Desert Against, Money Destroyer, Cream Trip – NEW আৰু Props Rescue।
