বিজেপিৰ বাতৰিৰূপী বিজ্ঞাপন অনৈতিকঃ অসম জাতীয় পৰিষদ ‘ডজনিত নিশ্চিত পৰাজয়ৰ উমান পাইছে বিজেপিয়ে
বিজেপিৰ বিজ্ঞাপন কাণ্ডৰ সন্দৰ্ভত মুখ খুলিছে আঞ্চলিক ৰাজৈনিতক দল অসম জাতীয় পৰিষদে।
সংবাদ মাধ্যমৈল প্ৰেৰণ কৰা এক বিবৃতিত দলটোৱে কয় যে ‘প্ৰথম পৰ্যায়ৰ ভোটগ্ৰহণ সম্পন্ন হোৱাৰ পিছ দিনা, অর্থাৎ ২৮ মাৰ্চৰ দিনা অসমৰ প্ৰায়কেইখন শীৰ্ষস্থানীয় বাতৰি কাকতৰ প্ৰথম পৃষ্ঠাৰ ‘বেনাৰ হেডলাইন’ হিচাপে বিজেপি দলে প্রকাশ কৰা বিজ্ঞাপন অসমৰাসী ৰাইজৰ লগতে অসম জাতীয় পৰিষদ দলৰো দৃষ্টিগোচৰ হৈছে।’
বিজেপি দলৰ উক্ত কাৰ্য সম্পূৰ্ণৰূপে অনৈতিক আৰু অবিবেচক বুলিও অভিহিত কৰিছে দলটোৱে।
উজনিত নিশ্চিত পৰাজয়ৰ উমান পাই ৰিজেপিয়ে এনেধৰণৰ ৰাজনৈতিকভাৱে অনৈতিক কাৰ্যত লিপ্ত হৈছে বুলি দাবী কৰি ৰাইজৰ দলে কয় যে ‘বিজেপি দলে মদে-মাংসই-টকাৰে ভোটাৰৰ বিবেকক কিনিবলৈ অহৰহ চেষ্টা চলাই আহিছে। বাতৰিকাকতত প্ৰকাশ পোৱা বাতৰিৰূপী বিজ্ঞাপন বিজেপি দলৰ কূটকৌশলৰে অংশ বিশেষ। অসমৰ স্বাভিমানী জনগণে এইবাৰ মন ৰান্ধিছে যে বিজেপিৰ কোনো কূটকৌশল সফল হ’বলৈ নিদিয়ে।’
যি সময়ত ভাৰতৰ নিৰ্বাচন আয়োগ আৰু ভাৰতৰ উচ্চতম ন্যায়ালয়ে ৰাজনৈতিক দলসমূহক অনৈতিক পন্থাৰে ভোটাৰক আকৰ্ষিত, প্ৰলোভিত বা বিভ্ৰান্ত নকৰিবলৈ সকীয়াই আহিছে, তেনে সময়ত বিজেপি দলে উক্ত কাৰ্য সম্পাদন কৰি নিৰ্বাচন আয়োগৰ নীতি ভংগ কৰাই নহয়, ভাৰতৰ উচ্চতম ন্যায়ালয়ৰ মতামতকো অৱমাননা কৰা বুলি অভিযোগ কৰিছে ৰাইজৰ দলে।
বিজেপিৰ বাতৰিৰূপী ৰিজ্ঞাপন ‘এক্সিট প’ল’ৰ নিচিনা হৈছে আৰু ইয়াৰ বাৰে দলটোক নিৰ্বাচন আয়োগে সঁকিয়াই দিয়া উচিত। জাতীয়তাৰাদৰ সপক্ষে এক নীৰৱ ৰতাহ ৰাজ্যখনৰ সকলোতে ৰৈ আছে বুলি ‘ই বিজেপিক শংকিত কৰি তুলিছে। সেইবাবেই ৰিজ্ঞাপনক বাতৰিৰ ৰূপ দিবলৈ বিজেপিয়ে চেষ্টা চলাইছে’ বুলি উল্লেখ কৰিছে বিবৃতিটোত।
অসম জাতীয় পৰিষদে বিজেপিৰ মূল্যবোধহীন বিজ্ঞাপনৰ বিষয়ে কালি দেশৰ আৰু ৰাজ্যৰ নিৰ্বাচনী কৰ্তৃত্বক অৱগত কৰি আৰু বিহিত ব্যৱস্থা ল’বলৈ অনুৰোধ জনোৱা বুলি জানিবলৈ দিছে দলটোৱে।