অষ্ট্ৰেলিয়াৰ নিউছাউথ ৱেলছৰ এগৰাকী বাসিন্দা আমান্দা জৰ্জে চকুত ধৰা পৰে প্ৰকৃতিৰ বিৰল এই মকৰা বিধ।
প্ৰায় ডেৰবছৰ পূৰ্বে ঘৰৰ কাষত তেওঁ এই অদ্ভুট ধৰণৰ মকৰা বিধ দেখা পাইছিল। এইবাৰ পুনৰ তেওঁৰ ঘৰৰ পিছপিনে সেই মকৰা প্ৰত্যক্ষ কৰিলে। লগতে তেওঁ কেমেৰাত তাৰ ছবিও বন্দী কৰিলে।
ইয়াৰ পাছত প্ৰকৃতিপ্ৰেমী আমান্দাই বটলত সেই মকৰা বন্দী কৰি বিশেষজ্ঞৰ ওচৰলৈ পঠিয়াই দিছে।
ইতিমধ্যে আমান্দাই কেমেৰাত বন্দী কৰা সেই মকৰাৰ ছবি ফেচবুকত ভাইৰেল হৈ পৰিছে। তেওঁৰ ঘৰত লুকাই থকা এই প্ৰাণীটো হৈছে জাম্পিং মকৰা।
আমান্দাই এইবাৰ দুটা মকৰা দেখা পাইছিল আৰু তেওঁ দুয়োটাকে নিলগাই ৰাখে।
জানিব পৰা মতে, এই মকৰাবিধে এটাও আনটোক খাই পেলায়। আটাইতকৈ আচৰিত কথাটো হ’ল মকৰাটোৰ চকু। ইয়াৰ আঠোটা নীলা বৰণীয়া চকু আছে।
আমান্দাৰ সেই প’ষ্টটো অষ্ট্ৰেৰ্লিয়াৰ মেলব’ৰ্ণৰ মকৰা বিশেষজ্ঞ স্কুবাৰ্টৰ দৃষ্টিলৈ আহে। তেওঁ সেই মকৰাটোক গৱেষণাৰ বাবে লৈ গৈছে।
প্ৰকৃতিক ভালপোৱা আমান্দা অতি আনন্দিত হৈ পৰিছে। এনেদৰে তেওঁৰ এই আৱিষ্কাৰ এয়া গৱেষণাৰ বিষয় হৈ পৰাত তেওঁ উৎসাহিত পৰিছে।