বিটিআৰৰ সদৰ কোকৰাঝাৰ চহৰৰ হাব্ৰুবাৰীস্থিত ৰেলৱে উৰণীয়া সেতুৰ ডাউন-টাউন কাফেত আজি এমবি প্ৰডাকচন পৰ্বতঝৰাৰ বেনাৰত নিৰ্মিত একছন,ৰোমান্স,মনোৰঞ্জনেৰে ভৰপূৰ বড়ো ছবি খামগ্লিনাই গৌছৌনি মৌদৈ (দেই পুৰি হৃদয়ৰ চকুলো)ৰ শুভ মুক্তি দিয়া হয়৷
নিউবো ৱেব ছিৰিজৰ জৰিয়তে দৰ্শকে ছবিখন চাব পাৰিব৷ছবিখনৰ এক অনুষ্টুপীয়া কাৰ্যসূচীৰ জৰিয়তে শুভ উদ্বোধন কৰে বড়ো চলচ্চিত্ৰ জগতৰ কমেডী কিং মেন্ডেলা দৈমাৰীয়ে৷ছবিখনৰ কাহিনী,চিত্ৰ নাট্য আৰু নিৰ্দেশনা মিথু ৰাম ব্ৰহ্মৰ৷
সাম্প্ৰতিক সমাজ ব্যৱস্থাৰ আলমত নিৰ্মিত ছবিখনৰ দৃশ্য কোকৰাঝাৰ,পৰ্বতঝৰা,বাগছা জিলাৰ কেবাটাও মনোমোহা লোকেছনত সম্পন্ন হৈছে৷
ছবিখনৰ নায়কৰ ভূমিকাত মিথু ৰাম ব্ৰহ্ম,নায়িকাৰ চৰিত্ৰত লীনা বসুমতাৰীয়ে ভুমুকি মাৰিছে৷আনপিনে ছবিখনৰ একছন সঞ্জু সৰকাৰৰ৷
লগতে কৌতুক অভিনেতা মস্কো বসুমতাৰী,ফৈলা বসুমতাৰীৰ বলিষ্ঠ অভিনয়ে দৰ্শকৰ মন জয় কৰিব বুলি আশা কৰা হৈছে৷