অসম বহুভাষিক কবি সন্মিলনৰ বঙাইগাঁও জিলা সমিতিৰ অন্তৰ্গত দেৱানগাঁও নাককাটি শাখাৰ উদ্যোগত স্থানীয় নৰ্থ বইটামাৰী অঞ্চলৰ দেৱানগাঁও ৰাভাপাৰা প্ৰাথমিক বিদ্যালয় প্ৰাংগণত ‘ শীতৰ এদিন’ শীৰ্ষক এক কবি সন্মিলন অনুষ্ঠিত হয় ।
বহুভাষিক কবি সন্মিলনৰ কাৰ্যকৰী সভাপতি কাজী শ্বমিমৰ সভাপতিত্বত এই কবি সন্মিলন অনুষ্ঠিত হয় ৷
সন্মিলনত অভয়াপুৰী মহাবিদ্যালয়ৰ অৱসৰপ্ৰাপ্ত অধ্যাপিকা তথা বিশিষ্ট কবি-সাহিত্যিক ড° মৰমী বৰঠাকুৰ তালুকদাৰে মুখ্য আলোচক ৰূপে অংশগ্ৰহণ কৰে ।
সন্মিলনত অধিবক্তা শ্বাহ আলম, কবি দীনেশ দাস, মালা বৰুৱা, গীতা দেৱী, মুস্তাফিজুৰ ৰহমান, কল্যাণী দেৱী, অপূৰ্ব গোস্বামী, বিনয় কুমাৰ বুদ্ধ, অপূৰ্ব কুমাৰ নাথকে ধৰি ৩২ গৰাকী নবীন-প্ৰবীণ কবিয়ে স্বৰচিত কবিতা পাঠ কৰে ।
অনুষ্ঠানত লীলিম কুমাৰ নাথে গীত পৰিৱেশন কৰে ।
সভাপতি তথা বিশিষ্ট কবি কাজী শ্বমিমে শেষত শ্বায়েৰী আৰু কবিতা পাঠেৰে সন্মিলনৰ সামৰণি মাৰে ।
