বিশ্ব সাধুকথা দিৱসৰ দিনাই চুমিন্দ্ৰ চৌধুৰীৰ গল্প আৰু উপন্যাস সংকলন ‘এজন সাহিত্য অভিযন্তাৰ আত্মকথা’ দিল্লীৰ শ্ৰীমন্ত শঙ্কৰদেৱ ভৱনত উন্মোচন কৰা হয় ।
কৰ্মসূত্রে নতুন দিল্লীত থকা চুমিন্দ্ৰ চৌধুৰীৰ ‘বিহংগম দৃষ্টিত মিজোৰাম’ শীৰ্ষক উপন্যাসখন ২০২১ চনৰ আগষ্ট মাহত প্ৰকাশ পাইছিল।
কৰোণা মহামাৰীৰ বাবে দেশজুৰি হোৱা তলাবন্ধৰ সময়তে চুমিন্দ্ৰ চৌধুৰীয়ে তিনিখন উপন্যাস আৰু চল্লিশটা ভিন্নসুৰী গল্প ৰচনা কৰি উলিয়াইছিল।
চৌধুৰীৰ স্ব-ৰচিত এই গল্প আৰু প্ৰবন্ধ সমূহৰ আধাৰতে ভাষা প্ৰকাশনৰ স্বত্বাধিকাৰ মুকুট শৰ্মাই গল্প আৰু প্ৰবন্ধ সমূহ একগোট কৰি ‘এজন সাহিত্য অভিযন্তাৰ আত্মকথা’ নামৰ সংকলনখন প্ৰকাশ কৰি উলিয়াইছে।
গ্ৰন্থখনৰ উন্মোচনী অনুষ্ঠানত জাপানীজ কৰ্পোৰেট গুৰু বিজয় মিচিহিটো বাত্রাৰ লগতে চিত্ৰশিল্পী কৰ্ণেল জীতেন্দ্ৰনাথ হাজৰিকা , এপ’লো হাস্পাতালৰ শৈল্য চিকিৎসক ডাঃ সুশীল কুমাৰ জৈন ,লেখিকা জয়ন্তী মালা বৰপূজাৰী, হিৰণ্য দাস, উলুপী কাকতি, দিব্য দত্ত, হীৰেণ দত্ত, শৰ্মিষ্ঠা বৰ্মন, ধ্ৰুৱ শইকীয়া , প্ৰণৱ পাটৰ , অমিত দেৱ, মাৰা কাচো, তন্ময় শইকীয়াৰ লগতে বহু সংখ্যক লোক উপস্থিত আছিল।