ছবিত দেখুওৱা বিদ্যুৎ পৰিবাহী খুঁটাতো অসমৰ গোৱালপাৰা জিলাৰ। যিকোনো মুহূৰ্ততে ভাগি পৰি ই নিমিষতে কাৰণ হ’ব পাৰে বহু লোকৰ মৃত্যুৰ।
আৰু অসম চৰকাৰৰ শক্তি বিভাগে যেন বাট চাই আছে দুৰ্ঘটনালৈ। কাৰণ অসমত ইতিপূৰ্বে সংঘটিত হোৱা বহুকেইটা বিদ্যুৎ দুৰ্ঘটনাৰ পিছতহে সক্ৰিয় হোৱাৰ অৱসৰ পোৱাৰ দৃষ্টান্ত দেখুৱাই আহিছে বিভাগটোৱে।
লগতে পঢ়ক নগাঁৱৰ ৰূপহীহাটত ভয়ংকৰ ঘটনা, বিদ্যুতৰ ছিগা তাঁৰ পৰি মৃত্যু ৬জনকৈ লোকৰ
কেৱল গোৱালপাৰাতে ৰাষ্ট্ৰীয় ঘাইপথৰ দাঁতিতে আছে এনে কেইবাটাও খুঁটা। কৃষ্ণাইৰ পৰা পাইকান সংযোগী ৩৭ নং ৰাষ্ট্ৰীয় ঘাই পথ আৰু পাইকানৰ পৰা তুৰা সংযোগী ৫১ নং ৰাষ্ট্ৰীয় ঘাই পথৰ কাষেৰে পাৰ হোৱা উচ্চ ক্ষমতাসম্পন্ন বিদ্যুতৰ তাঁৰ পৰিবাহী খুঁটা এইবোৰ।
স্থানীয় ৰাইজৰ অভিযোগ মতে বহুবাৰ অভিযোগ দাখিল কৰা হৈছে যদিও কাণষাৰ নাই জিলা বিদ্যুৎ বিভাগৰ।
মানুহ মৰাৰ পিছত ভুক্তভোগী পৰিয়ালক কেইলাখমান টকাৰ সাহায্য দিয়া আৰু তদন্ত ঘোষণা কৰা কাম নেকি মন্ত্ৰী তপন গগৈৰ শক্তি বিভাগৰ?