কানাডাই পাকিস্তান নিয়ন্ত্ৰিত আৰু কাশ্মীৰত কুটাঘাত সংঘটিত কৰি অহা হিজবুল মুজাহিদিনক সন্ত্ৰাসবাদী সংগঠন হিচাপে ঘোষণা কৰে।
কানাডাই হিজবুল মুজাহিদিনকে ধৰি মুঠ ১৩ টা সংগঠনক সন্ত্ৰাসবাদী গোট হিচাপে অন্তৰ্ভূক্ত কৰে।
নতুনকৈ সন্ত্ৰসবাদী সংগঠন হিচাপে ঘোষণা কৰা সংগঠন সমূহৰ ভিতৰত আমেৰিকা যুক্তৰাষ্ট্ৰৰ কেপিটল হিংসাত জড়িত সংগঠনো আছে।
কানাডাৰ জন সুৰক্ষা বিভাগে ১৯৮৯ চনত গঠন হোৱা হিজবুল মুজাহিদনক কাশ্মীৰত বিভিন্ন কুটাঘাত সংঘটিত হোৱাৰ ক্ষেত্ৰত জগৰীয়া কৰি সন্ত্ৰাসবাদী সংগঠন হিচাপে ঘোষণা কৰে।
হিজবুল মুজাহিদিনে ভাৰতীয় সুৰক্ষা বাহিনীৰ লগতে, ৰাজনৈতিক নেতাৰ লগতে আন্তঃগাঠনি ধ্বংস কৰা আদি কাৰ্য্যত জড়িত হৈ জম্মু-কাশ্মীৰৰ লগতে লাডাখক অস্থিৰ কৰি তোলাৰ ক্ষেত্ৰত কাম কৰি আছে।
কানাডাত সন্ত্ৰাসবাদী সংগঠন হিচাপে ঘোষণা কৰা গোটৰ সংখ্যা বৰ্তমান সময়ত ৭৩ টালৈ বৃদ্ধি পাইছে।
ইয়াৰ ভিতৰত ভাৰতৰ বিৰুদ্ধে সন্ত্ৰাসবাদী কাৰ্য্যকলাপ চলাই অহা পাকিস্তানস্থিত সংগঠন লস্কৰ-ই-তৈবা, জইচ-ই-মহম্মদ আৰু হৰকট-উল-মুজাহিদিনো আছে।
খালিস্তানী সন্ত্ৰাসবাদী গোট বাবৰ খালছাকো কানাডাই দেশত সন্ত্ৰাসবাদী সংগঠন হিচাপে ঘোষণা কৰি থৈছে।
