CBI Busts Racket that offers Rajya Sabha Seat or Governorship শুনি আচৰিত লাগিলেও সঁচা ঘটনা। আপুনি ধনৰ বিনিময়ত চাকৰি দিয়া চক্ৰৰ বিষয়ে নিশ্চয় শুনিছে। কিন্তু ধনৰ বিনিময়ত ৰাজ্যসভাৰ আসন বা কাৰোবাক ৰাজ্যপাল বনোৱা চক্ৰৰ বিষয়ে নিশ্চয় শুনা নাই। চিবিআইয়ে তেনে এটা চক্ৰ ধৰা পেলাই চাৰিজন লোকক গ্ৰেপ্তাৰ কৰিছে।
চিবিআইৰ সূত্ৰই প্ৰকাশ কৰিছে যে ১০০ কোটি টকাৰ বিনিময়ত ৰাজ্যপাল আৰু ৰাজ্যসভাৰ সদস্য কৰাৰ প্ৰতিশ্ৰুতি দিয়া হৈছিল। চিবিআইৰ দ্বাৰা তেনে এটা চক্ৰই ধৰা পৰিছে। এই চক্ৰটোৱে দেশৰ বিভিন্ন ৰাজ্যত তেওঁলোকৰ কাম চলাই আছিল।
চিবিআইয়ে ইয়াৰ এজাহাৰত উল্লেখ কৰিছে যে মহাৰাষ্ট্ৰৰ লাতুৰৰ কমলাকৰ প্ৰেমকুমাৰ, কৰ্ণাটকৰ বেলগামৰ ৰবীন্দ্ৰ নায়ক, দিল্লীৰ মহেন্দ্ৰ পাল আৰোৰা, অভিষেক বুৰা আৰু মহম্মদ ইজাজ খান এই চক্ৰটোত জড়িত আছিল।
চিবিআইয়ে দাবী কৰে যে কমলাকৰ প্ৰেমকুমাৰে নিজকে চিবিআই বিষয়া হিচাপে পৰিচয় দিছিল। তেওঁ আৰোৰা, বুৰা আৰু ইজাজ খানক কৈছিল যে যদি কোনো কাম বন্ধ হৈ থাকে তেন্তে তেওঁৰ ওচৰলৈ আনিলেই হ’ল। ৰাজ্যসমূহৰ পৰা দিল্লীলৈকে তেওঁৰ সকলোতে হাত আছে। সকলো সমাধান হৈ যাব মাত্ৰ ইয়াৰ বাবে ধন খৰচ কৰিব লাগিব।
চিবিআই বিষয়া আৰু প্ৰভাৱশালী ব্যক্তি হিচাপে আত্মপ্ৰকাশ কৰি তেওঁলোকে তেওঁলোকৰ প্ৰস্তাৱবোৰ ধনাঢ্য লোকসকলৰ ওচৰলৈ লৈ গৈছিল। কোৱা হৈছিল যে যদি তেওঁলোকে ধন খৰচ কৰে তেতিয়া তেওঁলোকে যিকোনো চৰকাৰী সংস্থাৰ অধ্যক্ষ, ৰাজ্যসভাৰ সাংসদ আৰু আনকি ৰাজ্যপালো বনাব পাৰে। তেওঁলোকে আনকি ৰাজ্যসভাৰ সাংসদ কৰাবলৈ ১০০ কোটি টকালৈকে দাবী কৰিছিল।
লগতে পঢ়ক: নাবালিকাৰ পৰ্ণ ভিডিঅ’ৰ বাতৰি প্ৰচাৰ কৰি গ্ৰেপ্তাৰ হ’ল নিউজ চেনেলৰ ২ সাংবাদিক
চিবিআইৰ ওচৰত তথ্য আছিল যে যদি কোনোবাই তেওঁলোকৰ ওচৰলৈ কোনো কামৰ বাবে আহে তেন্তে ৰাজ্য বা কেন্দ্ৰৰ এজন প্ৰভাৱশালী মন্ত্ৰী-আমোলাৰ নাম ব্যক্তিজনক কোৱা হয়। কোৱা হৈছিল যে অভিষেক বুৰাৰ জৰিয়তে তেওঁলোকৰ সৈতে যোগাযোগ কৰি দিয়া হ’ব।
আনকি জানিব পৰা মতে স্বয়ম্ভু চিবিআই বিষয়া কমলাকৰ প্ৰেমকুমাৰে জ্যেষ্ঠ আৰক্ষী বিষয়াসকলকো দাবী-ধমকি দি কামবোৰ আদায় কৰিছিল। কিন্তু শেষ ৰক্ষা নহ’ল। চিবিআইয়ে কেইবাখনো ৰাজ্যত অভিযান চলাই চক্ৰটোৰ চাৰিজনক আটক কৰে।
