কেন্দ্ৰীয় মাধ্যমিক শিক্ষা পৰিষদ (CBSE)ৰ দশম আৰু দ্বাদশ শ্ৰেণীৰ বাদ পৰি ৰোৱা বিষয়ৰ বৰ্ড পৰীক্ষাসমূহ অহা ১ৰ পৰা ১৫ জুলাইৰ ভিতৰত অনুষ্ঠিত হ’ব।
উল্লেখযোগ্য যে দশম আৰু দ্বাদশ শ্ৰেণীৰ বৰ্ড পৰীক্ষা চলি থকাৰ সময়তে দেশজুৰি হোৱা ক’ৰ’না ভাইৰাছৰ সংক্ৰমণ আৰু লকডাউনৰ বাবে প্ৰায় ৯০টা বিষয়ৰ পৰীক্ষা স্থগিত ৰখা হৈছিল।
অৱশ্যে আজি কেন্দ্ৰীয় মানৱ সম্পদ উন্নয়ন মন্ত্ৰী ৰমেশ পখৰিয়ালে ছাত্ৰ-ছাত্ৰীৰ শিক্ষাজীৱনৰ প্ৰতি লক্ষ্য ৰাখি অহা ১ৰ পৰা ১৫ জুলাইৰ ভিতৰত উক্ত পৰীক্ষাসমূহ অনুষ্ঠিত কৰা হ’ব বুলি ঘোষণা কৰে।
অৱশ্যে CBSE-এ এতিয়া কেৱল ২৯টা মুখ্য বিষয়ৰ পৰীক্ষাহে অনু্ষ্ঠিত কৰাৰ সিদ্ধান্ত লৈছে। আগষ্ট মাহত পৰীক্ষাৰ ফলাফল ঘোষণা হোৱাৰ সম্ভাৱনা আছে।
আনহাতে অভিযান্ত্ৰিক প্ৰবেশ পৰীক্ষা (JEE Main) ১৯ৰ পৰা ২৩ জুলাই আৰু চিকিৎসা প্ৰবেশ পৰীক্ষা (NEET) ২৬ জুলাইত অনুষ্ঠিত হ’ব।
পঢ়ক জুলাইৰ ১৯ তাৰিখৰ পৰা আৰম্ভ হ’ব JEE মূল আৰু NEET ২০২০ ৰ প্ৰৱেশ পৰীক্ষা
লকডাউনৰ পূৰ্বে ১৮ মাৰ্চলৈকে কেন্দ্ৰীয় মাধ্যমিক শিক্ষা পৰিষদৰ অধীনত দশম আৰু দ্বাদশ শ্ৰেণীৰ বৰ্ড পৰীক্ষাসমূহ অনুষ্ঠিত হৈছিল।
লগতে পঢ়ক ক’ৰ’না ভাইৰাছৰ আতংক; CBSE ব’ৰ্ডৰ সকলো ধৰণৰ পৰীক্ষা স্থগিত
