ঊষা ভ্যান্স আমেৰিকাৰ প্ৰথমগৰাকী ভাৰতত জন্মগ্ৰহণ কৰা ছেকেণ্ড লেডী হিচাপে পৰিগণিত হ’ব। অন্ধ্ৰ প্ৰদেশৰ মুখ্যমন্ত্ৰী চন্দ্ৰবাবু নাইডুৱে তেওঁক আৱেগিক শুভেচ্ছা জনায়। মন কৰিব যে ঊষাৰ পূৰ্বপুৰুষ অন্ধ্ৰ বাসিন্দা আছিল। সেই প্ৰসংগটোৰ কথা উল্লেখ কৰি টিডিপি নেত্ৰী তেলেগু ঐতিহ্যৰ বাহক ঊষাৰ বাৰ্তা আমেৰিকাৰ ছেকেণ্ড লেডী, সেয়া অতি গৌৰৱৰ বিষয়।
শেহতীয়াকৈ সমাপ্ত হোৱা আমেৰিকাৰ নিৰ্বাচনত ৰিপাব্লিকান প্ৰাৰ্থী ড’নাল্ড ট্ৰাম্পৰ ৰানিং মেট আছিল জে ডি ভেন্স। নিৰ্বাচনত জয়ী হোৱাৰ পিছত তেওঁ অনাগত দিনত আমেৰিকাৰ উপ-ৰাষ্ট্ৰপতি হ’বলৈ ওলাইছে। তেওঁৰ পত্নী আমেৰিকাৰ ছেকেণ্ড লেডী আসনত উপবিষ্ট হ’বলগীয়া প্ৰথমগৰাকী ভাৰতীয় মূলৰ মহিলা। মন কৰিবলগীয়া যে কমলা হেৰিছে আমেৰিকাৰ প্ৰথম ভাৰতীয় মূলৰ উপ-ৰাষ্ট্ৰপতি হোৱাৰ নজিৰ গঢ়ি তুলিছিল।
নিৰ্বাচনী প্ৰচাৰৰ সময়ত কেইবাবাৰো পত্নী উষাৰ অৱদান স্বীকাৰ কৰিছে জে ডি ভ্যান্সে। উল্লেখযোগ্য যে ঊষাৰ পূৰ্বপুৰুষ অন্ধ্ৰ গোদাবৰী টাউনৰ তনুকুৰৰ বাসিন্দা আছিল। প্ৰায় ৫০ বছৰ আগতে ভাৰত এৰি আমেৰিকাত থাকিবলৈ আৰম্ভ কৰিলে। ইয়েল ল স্কুলত পঢ়ি থকাৰ সময়ত জে ডিৰ সৈতে উষাৰ কথা-বতৰা আৰম্ভ হৈছিল। ২০১৪ চনত তেওঁলোকে প্ৰকৃত ভাৰতীয় হিন্দু পৰম্পৰাৰে বিবাহপাশত আবদ্ধ হয়।
তেলেগু সংস্কৃতিৰ সন্তান ঊষাৰ সফলতাক লৈ উৎফুল্লিত অন্ধ্ৰৰ মুখ্যমন্ত্ৰী। এক্স হেণ্ডেলত চন্দ্ৰবাবুৱে লিখিছে যে জে ডি ভেন্সক উপ-ৰাষ্ট্ৰপতি নিৰ্বাচিত হোৱাৰ বাবে অভিনন্দন। তেলেগু প্ৰথম মহিলা হিচাপে ঊষা আমেৰিকাৰ ছেকেণ্ড লেডী, যিটো সমগ্ৰ বিশ্বৰ সকলো তেলেগু জনসাধাৰণৰ বাবে গৌৰৱৰ বিষয়।” চন্দ্ৰবাবু নাইডুৱেও অনাগত দিনত ভূমিকন্যা ঊষা আৰু জে ডি ভেন্সক অন্ধ্ৰপ্ৰদেশলৈ নিমন্ত্ৰণ কৰাৰ ইচ্ছা প্ৰকাশ কৰে।
