বিমানবন্দৰত কৰ্তব্যৰত চিআইএছএফৰ এজন কনিষ্টবলে নিজৰ বন্দুকেৰে গুলীয়াই আত্মহত্যা কৰে। শনিবাৰৰ এই ঘটনাৰ বাবেই ছুৰাট আন্তঃৰাষ্ট্ৰীয় বিমানবন্দৰত বিশৃংখলতা বিয়পি পৰে।
খবৰ অনুসৰি শনিবাৰে বিয়লি গুজৰাটৰ চুৰাট আন্তঃৰাষ্ট্ৰীয় বিমানবন্দৰত বন্দুকৰ গুলীৰ শব্দই জোকাৰি গৈছিল। এই শব্দ শুনি নিৰাপত্তাৰক্ষীয়ে খৰধৰকৈ জৱানৰ মৃতদেহটো শৌচাগাৰৰ পৰা উদ্ধাৰ কৰে। এই ঘটনাই বিমানবন্দৰত আতংকৰ সৃষ্টি কৰে। প্ৰথম অৱস্থাত জনা গৈছে যে জোৱানজনে নিজৰ বন্দুকৰ পৰা গুলীচালনা কৰি আত্মহত্যা কৰিছিল। তেওঁৰ পেটত গুলী লাগিছিল বুলি জানিব পৰা গৈছে।
আৰক্ষী সূত্ৰৰ মতে, চুৰাট বিমানবন্দৰত প্ৰায় ২:১০ বজাত হঠাতে গুলীৰ গুলীৰ শব্দ শুনা যায়। মৃত জোৱানৰ নাম কিষাণ সিং। জয়পুৰ নিবাসী যুৱকজনে চুৰাট বিমানবন্দৰত নিৰাপত্তাৰক্ষী হিচাপে কাম কৰি আছিল। সিদিনা দুপৰীয়া হঠাৎ বিমানবন্দৰৰ শৌচাগাৰলৈ গ’ল। তাতে তেওঁ নিজৰ বন্দুক গুলিয়াই আত্মহত্যা কৰে।
মৃতকৰ সহকৰ্মীক সোধা-পোছা কৰাৰ পাছত আৰক্ষীয়ে গম পায় যে যোৱা কেইদিনমানৰ পৰা জোৱানজন ভাল নহয়। অনুমান কৰা হৈছে যে তেওঁৰ কিবা পাৰিবাৰিক সমস্যা আছিল। কোনেও গম পোৱা নাছিল যে তেওঁ হঠাতে এনে পদক্ষেপ ল’ব।
ঘটনাৰ পাছতে তেওঁক শীঘ্ৰে উদ্ধাৰ কৰি ব্যক্তিগত চিকিৎসালয়লৈ লৈ যোৱা হয় যদিও কোনো ফল নাপায়। চিকিৎসকে তেওঁক মৃত ঘোষণা কৰে। স্বাভাৱিকতে দুপৰীয়া বিমানবন্দৰত এনে ঘটনাই চাঞ্চল্যৰ সৃষ্টি কৰিছিল।
আৰক্ষীয়ে খৰধৰকৈ বিমানবন্দৰৰ সেই অংশটো ঘেৰি ধৰিলে। ঘটনাৰ তদন্ত আৰম্ভ হৈছে। জোৱানজনে কিয় আত্মহত্যা কৰিলে বা ভুলবশতঃ বন্দুকটো গুলিয়াই দিলে সেয়া জানিবলৈ চেষ্টা চলাইছে আৰক্ষীয়ে। অৱশ্যে মৰণোত্তৰ পৰীক্ষাৰ প্ৰতিবেদন হাতত আহিলে সকলো স্পষ্ট হ’ব বুলি তদন্তকাৰীয়ে জানিবলৈ দিয়ে।
