অসমৰ বিত্ত মন্ত্ৰী হিমন্ত বিশ্ব শৰ্মাই শুকুৰবাৰে কয় যে মুছলমানসকলক এখন দেশ পাকিস্তান দিয়া হৈছে য’ত নেকি ভাৰতত হিন্দুসকলক নাগৰিকত্বহে দিব খোজা হৈছে। নতুন দিল্লীত অনুষ্ঠিত ইণ্ডিয়া টুডে কনক্লেভ ২০১৯ৰ এক আলোচনা অনুষ্ঠানত নাগৰিকত্ব সংশোধনী বিধেয়ক সন্দৰ্ভত নিজৰ মত ব্যক্ত কৰি শৰ্মাই এইদৰে কয়।
মেঘালয়ৰ মুখ্য মন্ত্ৰী কনৰাড চাংমা আৰু অল ইণ্ডিয়া মজলিছ-ই-ইট্টেহাদুল মুছলিমিন(এআইএমআইএম)ৰ মুৰব্বী আছাদুদ্দিন ওৱাইছিয়েও অনুষ্ঠানত অংশগ্ৰহণ কৰে।
‘’অসমৰ প্ৰসংগত, মই নাগৰিকত্ব সংশোধনী বিধেয়কখনক সম্পূৰ্ণ সমৰ্থন কৰো,’’ বুলি উল্লেখ কৰি হিমন্ত বিশ্ব শৰ্মাই কয়, ‘’ এইখন আছিল বাংলাদেশ, পাকিস্তান আৰু আফগানিস্তানৰ ধৰ্মীয় সংখ্যালঘুসকললৈ এক ঐতিহাসিক প্ৰতিশ্ৰুতি।‘’
‘’আমি মাত্ৰ হিন্দুসকলক নাগৰিকত্ব দিব বিচাৰিছো। কিন্তু আমি মুছলমানসকলক এখন দেশ দিছো। আমি মুছলমানসকলক পাকিস্তান দিছো,’’-তেওঁ কয়।
‘’গতিকে আমি ইতিমধ্যে সেই সময়ত মুছলমানসকলক এখন সম্পূৰ্ণ দেশ দিলো। এতিয়া আপুনি সেই দেশবোৰৰ হিন্দু, খ্ৰীষ্টান বা ক্ষুদ্ৰ সংখ্যালঘুসকলক নাগৰিকত্ব দিব লাগিব।‘’
তেওঁ কয় যে তেওঁ নাভাৱে কোনো মুছলমানে বাংলাদেশ বা পাকিস্তানত কোৰাণত বিশ্বাস কৰাৰ বাবে নিৰ্যাতিত হোৱা বুলি ক’ব পাৰিব।
অল ইণ্ডিয়া মজলিছ-ই-ইট্টেহাদুল মুছলিমিন(এআইএমআইএম)ৰ মুৰব্বী আছাদুদ্দিন ওৱাইছিয়ে কয় যে ভাৰত এখন হিন্দু ৰাষ্ট্ৰ নহয় আৰু হিমন্ত বিশ্ব শৰ্মাই অসমৰ এগৰাকী মন্ত্ৰী হৈ অসম চুক্তিক অমান্য কৰিছে।
তেওঁ লগতে শৰ্মাক প্ৰশ্ন কৰে যে তেওঁ কিয় হিন্দু আৰু খ্ৰীষ্টান নিৰ্যাতিত হোৱা বুলি ধৰি লৈছে।
আলোচনাৰ পৰৱৰ্তী সময়ত ওৱাইছিয়ে যেতিয়া শৰ্মাক সোধে যে তেওঁ ভাৰতক বিভাজন কৰিব খোজে নেকি তেতিয়া মন্ত্ৰী শৰ্মাই তেওঁ কোনো ব্যক্তিগত অভিযোগ আনিব নিবিচাৰে বুলি কয়।
‘’মই ভাৱো আপুনি অসমক আন এখন কাশ্মীৰ বনাব বিচাৰিছে,’’-ওৱাইছিক উদ্দেশ্যি মন্ত্ৰী শৰ্মাই কয়।