মুছলিম যুৱতীৰ স’তে যৌনসংগম কৰাটো হিন্দুৰ বাবে অতি পূণ্যৰ কাম! মুছলিম যুৱতীৰ স’তে যৌনসংগম কৰাটো বাবৰী মছজিদ ধ্বংসৰ সমান পূণ্যৰ কাম! মুছলিম যুৱতীবিলাকৰ যৌন আকৰ্ষণ হিন্দুতকৈ বেছি!
এনেধৰণৰ আপত্তিজনক ঘৃণনীয় মন্তব্যৰে ভৰা দুই মিনিটৰ এটা ভিডিঅ’ ক্লিপ। শেহতীয়াকৈ টুইটাৰত ভাইৰেল হৈ পৰিছে ভিডিঅ’ ক্লিপটো। জনপ্ৰিয় সামাজিক মাধ্যম ক্লাবহাউচৰ এটা চাটিং ৰুমৰ পৰা অনা হৈছে ক্লিপটো।
উক্ত চাটিং ৰুমটোত কৰা আলোচনাৰ বিষয়বস্তু আছিল- “মুছলিম ছোৱালীবিলাক হিন্দু ছোৱালীতকৈ বেছি ধুনীয়া’’।
আলোচনাটোত হোৱা কথা-বতৰাবোৰ শুনিলে যিকোনো সভ্য লোকৰে চকু কপালত উঠিব। মুছলিম যুৱতীৰ ওপৰত ইটোৰ পাছত সিটো অসভ্য আৰু নিৰ্লজ্জ মন্তব্য কৰি গৈছে চাটিংটোত অংশগ্ৰহণকাৰীসকলে।
আনকি হিন্দুত্ব ৰক্ষাৰ ঠিকা লোৱা যুৱককেইজনে মুছলিম যুৱতীৰ শৰীৰৰ বিশেষ অংগক লৈও চূড়ান্ত ঘৃণনীয় মন্তব্য কৰিছে। তেওঁলোকে কোৱা শুনা গৈছে যে মুছলিম যুৱতীৰ স’তে যৌনসংগম কৰাটো হিন্দুৰ বাবে অতি পূণ্যৰ কাম।
মুছলিম যুৱতীৰ স’তে যৌনসংগম কৰাক বাবৰী মছজিদ ধ্বংসৰ স’তেও তুলনা কৰে হিন্দুত্ব ৰক্ষাৰ ঠিকা লোৱা যুৱককেইজনে।
Trigger Warning ⚠️
Here in @Clubhouse, a young group of Hindus are discussing with impunity: a) “hitting on a muslim girl’s vagina is equal to destruction of 7 Babri masjids”, b) “we’re RSS fans, we’ll convert muslim girls, & c) muslim girls’ vagina is pinkish than hindus
1/2 pic.twitter.com/X3MSJrFlNv— Jaimine (@jaiminism) January 17, 2022
ক্লিপটো টুইটাৰত ভাইৰেল হৈ পৰাৰ পাছতে দিল্লী কমিছন ফৰ ৱমেনৰ তৰফৰ পৰা দিল্লী আৰক্ষীলৈ এখনি জাননি জাৰি কৰে। তদুপৰি মুম্বাই আৰক্ষীৰ ওচৰতো এগৰাকী মহিলাই এখনি এজাহাৰ দাখিল কৰে। যুৱককেইজন হাৰিয়ানাৰ বুলি জানিব পৰা গৈছে।
এজাহাৰ দাখিলৰ পাছতে মুম্বাই আৰক্ষীয়ে যুৱককেইজনক বিচাৰ-খোচাৰ কৰিবলৈ আৰম্ভ কৰে। হাৰিয়ানাৰ কাৰ্ণালৰ পৰা বৃহস্পতিবাৰে মাজৰাতি তেওঁলোকক গ্ৰেপ্তাৰ কৰা হয়।
মুছলিম যুৱতীক যৌন নিৰ্যাতন চলাবলৈ প্ৰৰোচিত কৰা এই হিন্দুত্ব ৰক্ষাৰ ঠিকাদাৰকেইজনৰ নাম হৈছে- আকাশ, জেষ্ণৱ কাক্কাৰ আৰু য়াছ পৰাশৰ। তেওঁলোকৰ ওপৰত তথ্যপ্ৰযুক্তি আইন ২০০০ৰ কেইবাটাও ধাৰাত গোচৰ তৰা হৈছে।
মুম্বাই আৰক্ষীৰ এই পদক্ষেপক আদৰণী জনাইছে শিৱসেনাৰ সাংসদ প্ৰিয়ংকা চতুৰ্বেদীয়ে। চতুৰ্বেদীয়ে টুইট কৰি কয় যে এনেধৰণৰ ঘৃণনীয় কথা-বতৰাক কেতিয়াও প্ৰশ্ৰয় দিব নোৱাৰি।