সোমবাৰে পাণ্ডু প’ৰ্টত অত্যাধুনিক প্ৰযুক্তিৰ জাহাজ সেৱা আনুষ্ঠানিকভাৱে মুকলি কৰে মুখ্যমন্ত্ৰী হিমন্ত বিশ্ব শৰ্মাই। ১০০ গৰাকী যাত্ৰী কঢ়িয়াব পৰা এই জাহাজকেইখনত থাকিব লাইফ জেকেট।
এই ৪ খন জাহাজৰ ভিতৰত ২ খন জাহাজ মাজুলীলৈ প্ৰেৰণ কৰা হ’ব বুলি উল্লেখ কৰে মুখ্যমন্ত্ৰী হিমন্ত বিশ্ব শৰ্মাই। ৰাসৰ দিনকেইটাত মাজুলীত যাতায়তৰ বাবে জাহাজ দুখন ব্যৱহাৰ কৰিব পাৰিব মাজুলীবাসী ৰাইজে। এই জাহাজকেইখনৰ নাম হৈছে MV মেঘনা, MV সুদৰ্শন, MV পদ্মা আৰু MV ইন্দ্ৰ।
Also read : Covid-19 Update দেশত কৰ’নাৰ দৈনিক সুস্থতাৰ হাৰে জগাইছে আশা; কমিছে মৃত্যু
মুখ্যমন্ত্ৰীয়ে লগতে এই অনুষ্ঠানতে উমানন্দ ফেৰী সেৱাৰ ই-টিকট ব্যৱস্থাও মুকলি কৰে।
অনুষ্ঠানত উপস্থিত থাকি মুখ্যমন্ত্ৰী হিমন্ত বিশ্ব শৰ্মাই কয়, “আমি অসমখনক সলনি কৰিব লাগিব। Technology আৰু কৰ্তব্যনিষ্ঠা এই দুয়োটাৰ সহযোগত বহু দূৰ আগুৱাই যাব পাৰিম। টিয়ুবৰ সহায়ত এই জাহাজ কেইখন পানীলৈ নিয়া হৈছে। চেন্নাই পৰা techology আনি জাহাজকেইখন সাজু কৰা হৈছে। জাহাজ কেইখনৰ বৈশিষ্ট হ’ল যে বহুত পানী নহ’লেও ই negotiate কৰি যাব পাৰে।‘’
তেওঁ লগতে কয়, ‘’মাজুলীৰ ৰাসৰ সময়ত ১৫ টা ৰাউণ্ড ট্ৰীপ কৰা হ’ব। লগতে মাজুলীৰ নাওঁ কেইখনত marine ইঞ্জিন লগোৱাৰ ব্যৱস্থা কৰা হৈছে। এতিয়াৰে পৰা গুৱাহাটীৰ পৰা উমানন্দলৈ ৰাইজে জাহাজৰ অনলাইন টিকট কাটিব পাৰিব। সেইদৰে, ৭ দিনৰ ভিতৰতে গুৱাহাটী-উত্তৰ গুৱাহাটী ৰাইজে digital টিকট ল’ব পাৰিব।”
এই জাহাজ মুকলি অনুষ্ঠানতে মুখ্যমন্ত্ৰী ড০ শৰ্মাই বহুকেইটা গুৰুত্বপূৰ্ণ মন্তব্য কৰে। বিশ্ব বেংকৰ পুঁজিৰে ১০খন নতুন জাহাজৰ নিৰ্মাণৰ কাম হাতত লোৱা হৈছিল আৰু তাৰে ভিতৰত এই চাৰিখন জাহাজ মুকলিৰ কথা প্ৰকাশ কৰে মুখ্যমন্ত্ৰীগৰাকীয়ে।
Also read : CM Vigilance ৰ গোচৰত বিধায়ক শ্বেৰমান আলীৰ জামিন লাভ
ইতিমধ্যে মাজুলী ফেৰী দুৰ্ঘটনাৰ পিছত নতুন জাহাজৰ ব্যৱস্থা কৰাৰ পাছতেই তাৰ পৰা ২৬ লাখ টকাৰ ৰাজহ সংগ্ৰহৰ কথাও উল্লেখ কৰে মুখ্যমন্ত্ৰীয়ে।
