দেশৰ ক্ৰীড়া জগতলৈ অৱশেষত আহিল এক প্ৰত্যাশিত খবৰ। বাৰ্মিংহাম কমনৱেলথ গেমছত আজি পদক তালিকাত দেশৰ নাম সন্নিৱিষ্ট কৰিলে ভাৰতে।
প্ৰতিযোগিতাৰ আজি দ্বিতীয় দিনা ভাৰতলৈ প্ৰথমটো পদক কঢ়িয়াই আনিছে ভাৰোত্তোলক সংকেত চাৰ্গাৰে।
পুৰুষৰ ৫৫ কিলোগ্ৰাম শাখাত দ্বিতীয় স্থান লাভ কৰি ৰূপৰ পদক জয় কৰিছে মহাৰাষ্ট্ৰৰ খেলুৱৈগৰাকীয়ে।
নিজ ইভেণ্টত সংকেত চাৰ্গাৰে মুঠ ২৪৮ কিলোগ্ৰাম (স্নেচত ১১৩ কিলোগ্ৰাম, ক্লিন এণ্ড জাৰ্কত ১৩৫) ভাৰ উত্তোলন কৰি ৰূপৰ পদক অৰ্জন কৰে।
এই শাখাত মুঠ ২৪৯ কিলোগ্ৰাম (স্নেচত ১০৭ কিলোগ্ৰাম, ক্লিন এণ্ড জাৰ্কত ১৪২ কিলোগ্ৰাম) উত্তোলন কৰি মালয়েছিয়াৰ আনিক মহম্মদে স্বৰ্ণ জয় কৰে।
ৰাষ্ট্ৰীয় চেম্পিয়ন সংকেত চাৰ্গাৰক এইবাৰৰ কমনৱেলথ গেমছত সম্ভাব্য পদক জয়ীৰ তালিকাত স্থান দিয়া হৈছিল। দেশবাসীৰ এই প্ৰত্যাশা পূৰণ কৰি অৱশেষত বাৰ্মিংহামত ত্ৰিংৰগা উৰুৱাবলৈ সক্ষম হয় খেলুৱৈ গৰাকী।
Also read : দুৰন্ত শিৱ! পাক প্ৰতিদ্বন্দীক বিধ্বস্ত কৰি কমনৱেলথ অভিযান আৰম্ভ অসম সন্তান শিৱ থাপাৰ
