আগন্তুক ঠেঙাল কছাৰী স্বায়ত্বশাসিত পৰিষদীয় নিৰ্বাচনৰ বাবে ভাৰতীয় জাতীয় কংগ্ৰেছে প্ৰাৰ্থী তালিকা ঘোষণা কৰিছে।
ড়মুঠ ২২ টা সমষ্টিৰ ভিতৰত আজি প্ৰথম তালিকাত ২১ টা সমষ্টিৰ কংগ্ৰেছ প্ৰাৰ্থী সকলৰ নামৰ তালিকা আজি ঘোষণা কৰি প্ৰদেশ কংগ্ৰেছৰ সভাপতি ভূপেন কুমাৰ বৰাই কয় যে বাকী থকা প্ৰাৰ্থীৰ নাম আজি সন্ধিয়াৰ ভাগত চূড়ান্ত কৰি সদৰী কৰা হ’ব।
উল্লেখযোগ্য যে অনুসূচিত জনজাতিৰ বাবে সংৰক্ষিত ২২ নং মাৰবিল নাহৰকটীয়া সমষ্টিৰ চূড়ান্ত প্ৰাৰ্থী গৰাকীৰ নাম আজি নিশাৰ ভিতৰত ঘোষণা কৰা হ’ব বুলি প্ৰদেশ কংগ্ৰেছৰ এক প্ৰেছ বিজ্ঞপ্তিত প্ৰকাশ কৰা হৈছে।
ইয়াৰ বাহিৰে বাকী ২১ টা সমষ্টিৰ প্ৰাৰ্থীৰ নাম প্ৰদেশ কংগ্ৰেছে ঘোষণা কৰিছে বুলি অসম প্ৰদেশ কংগ্ৰেছ কমিটীৰ জ্যেষ্ঠ মুখপাত্ৰ মনজিৎ মহন্তই এক বিবৃতিৰ জৰিয়তে প্ৰকাশ কৰিছে।
সমষ্টি অনুসৰি টিকট লাভ কৰা প্ৰাৰ্থীসকল হ’ল— নগাবাট সমষ্টি (এছটি) শ্ৰী সুনীল ৰেগান ,বৰহোলা সমষ্টি (সাধাৰণ মহিলা) বন্টি বৰা শইকীয়া, মাধপুৰ সমষ্টি (এছটি) অনিল কচাৰী ,ফুলবাৰী সমষ্টি (এছটি) ৰাতুল গোস্বামী ,দিহিঙিয়া সমষ্টি (এছটি) অচিন্ত্য শইকীয়া , তিতাবৰ সমষ্টি (এছটি) লক্ষ্যজিত হাজাৰিকা ,চামগুৰি সমষ্টি (এছটি) অক্ষয় জ্যোতি শইকীয়া ,বৰুৱাজান সমষ্টি (এছটি) শ্ৰী কানৰাম কচাৰী , জালুকনিবাৰী সমষ্টি (এছটি) শ্ৰী পুনেশ্বৰ শইকীয়া , তামুলবাৰী সমষ্টি (এছটি) লক্ষেশ্বৰ হাজৰিকা ,থেংগাল কমাৰ গাঁও সমষ্টি (এছটি) বিপিন বৰা ,গেলাবিল সমষ্টি (এছটি) হিৰণ্য বৰা , কাছমাৰী সমষ্টি (এছটি মহিলা) জাহ্নবী শইকীয়া,চাওদাং পথাৰ সমষ্টি (এছটি)ছায়া থেংগাল ,চাওদাং পথাৰ দৈয়াং সমষ্টি (এছটি) উৎপল থেংগাল ,বঙালমৰা (পাব-ডিক্ৰং) সমষ্টি (এছটি) কৃষ্ণ হাজৰিকা ,পাভো (লালুক) সমষ্টি (এছটি) মহেন্দ্ৰ শইকীয়া ,লখিমপুৰ পূব সমষ্টি (এছটি মহিলা) টুলুমনি সোণোৱাল বৰা, বিহপুৰীয়া (দক্ষিণ) সমষ্টি (এছটি) শ্ৰী ৰাজ কুমাৰ বৰা ,জাকৈপেলোৱা হাৰমতী সমষ্টি (এছটি) অপূৰ্ব হাজৰিকা , ৰূপহী বৰগোৰা সমষ্টি (এছটি) মৃদু পৱন বৰা মেৰবিল নাহৰকটীয়া সমষ্টি (এছটি) অ-ঘোষিত।
