‘দৰিদ্ৰ কৃষকলৈ অহা আঁচনিৰ ধন এচাম বিজেপিৰ নেতা-পালিনেতা তথা ৱাৰ্ড মেম্বাৰ আশীষত সংঘটিত হৈছে দুৰ্নীতি।’
এই গুৰুত্বৰ অভিযোগ আনিছে অনুসূচীত জাতি যুৱ ছাত্ৰ পৰিষদৰ সভাপতি ৰুবুল দাস।
সভাপতি দাসে তথ্য সহকাৰে দাঙি ধৰি কয় নগাঁও জিলা ৰহা কৃষি উপ-সংমণ্ডলৰ বগলাহান পঞ্চায়তত প্ৰায় ৪০৯জন কৃষকক আঁচনিৰ ধন প্ৰদান কৰা হৈছে।
কিন্তু দুৰ্ভাগ্যজনকভাৱে ১০০ প্ৰায় জনৰো অধিক ধন লাভ কৰাৰ হিতাধিকাৰী চৰকাৰীৰ কৰ্মচাৰীৰ, পেঞ্চনাৰ, ব্যৱসায়ী আৰু সুলভ মূল্য দোকানীয়ো আছে।
ৰুবুল দাস কয় যে হিতাধিকাৰী তালিকাত নাম সোমোৱা একাংশ লোক খেতিয়ক নহয়।
ধন লাভ কৰাসকলৰ মাজত আছে চৰকাৰীৰ কৰ্মচাৰীৰ, পেঞ্চনাৰ, সুলভ মূল্য দোকানী আৰু ব্যৱসায়ী।
যি সময়ত ক’ৰ’না মহামাৰীৰ দৰে ভয়াৱহ সময় চলি আছে।মাহৰ পিচত মাহ ল’কডাউন ঘোষণা হৈছে।
এনে সময়ত প্ৰকৃত কৃষকক বঞ্চিত কৰি স্বজন, তোষণ আৰু দুৰ্নীতিৰে এচাম ভুৱা কৃষকক একে ৰাতি ভিতৰতে আৰ্থিক সাহায্য প্ৰদান কৰিছে।
‘তেনে কৃষি বিষয়া বিৰুদ্ধে কঠোৰ শাস্তিমূলক ব্যৱস্থা গ্ৰহণ কৰিব লাগে লগতে জড়িত থকা ৱাৰ্ড মেম্বাৰ, বিজেপি নেতা-পালিনেতাসকলৰ ওপৰতো কঠোৰ শাস্তি ব্যৱস্থা গ্ৰহণ কৰিব লাগে’ এই দাবী অনুসূচীত জাতি যুৱ ছাত্ৰ পৰিষদৰ সভাপতি ৰুবুল দাসৰ৷
