Fraud visa agents চাকৰি বাদ দি মুম্বাইৰ শশী নিৰংকৰনাথ কৌশল নামৰ এজন ব্যক্তিয়ে তেওঁৰ পত্নী আৰু কন্যাৰ সৈতে ইউৰোপ ভ্ৰমণ কৰাৰ পৰিকল্পনা কৰিছিল। তাৰপিছতে তেওঁ অনলাইন ভিছাৰ বাবে আবেদন কৰে। প্ৰায় এমাহ অপেক্ষা কৰাৰ পিছত শেহতীয়াকৈ ভিছা সম্পৰ্কীয় কাম কৰিবলৈ গৈ প্ৰৱঞ্চকৰ ফান্দত পৰে এই দম্পতি।
ভিছা এজেণ্ট হিচাপে পৰিচয় দিয়া এজন লোকে কৌশলক ফোন কৰিছিল। তাৰ পিছতে তেওঁ হেৰুৱাবলগীয়া হ’ল ২ লাখ টকা। দৰাচলতে ঘটনাটো কি ঘটিছিল?
লগতে পঢ়ক: বিহাৰৰ মুখ্যমন্ত্ৰী নীতিশ কুমাৰৰ কনভয়ত আক্ৰমণ; শিলগুটি নিক্ষেপ, লাঠিৰে কোবাই ভাঙিলে গাড়ী
যোৱা ১২ জুলাইত শশী নিৰংকৰনাথ কৌশলে ভিছাৰ বাবে আবেদন কৰিছিল। তাৰ পিছত যোৱা শনিবাৰে তেওঁৰ পত্নী ৰুচি গুপ্তাই অনলাইনত ভিছাৰ ষ্টেটাছ পৰীক্ষা কৰিছিল। তাৰ পিছত তেওঁ অনলাইনত ভিএফএছ গ্লোবেল কোম্পানীৰ গ্ৰাহক সেৱা নম্বৰ উলিয়াই ফোন কৰে।
চাৰকোপ আৰক্ষী থানাৰ বিষয়াসকলে জানিবলৈ দিছে যে মহিলাগৰাকীয়ে ৱেবছাইটত দিয়া নম্বৰটোত ফোন কৰিছিল। ফোনটো দুবাৰ বাজি কাটি যায়। তাৰপিছতে +91-8240557244 এই নম্বৰৰ পৰা ফোন আহে। ভিছা এজেণ্ট হিচাপে পৰিচয় দিয়া এজন ব্যক্তিয়ে তেওঁক কয় যে প্ৰচেছিং মাচুল পৰিশোধ নকৰাৰ বাবে ভিছা দিব পৰা হোৱা নাই।
ব্যক্তিজনে কয় যে এটা লিংক প্ৰেৰণ কৰা হৈছে আৰু তাত ক্লিক কৰিলে এক নিৰ্দিষ্ট মাচুল পৰিশোধ কৰিবলৈ অৱগত কৰা হয়। অৱশ্যে তেওঁ কোনো অ’টিপি দিয়া নাছিল। ইউপিআইৰ জৰিয়তে তেওঁ মাত্ৰ ২ টকা পৰিশোধ কৰে আৰু তেতিয়াই ঘটনাটো ঘটে।
লগতে পঢ়ক: Nayyara Noor: অসমত জন্মগ্ৰহণ কৰা পাকিস্তানৰ ‘বুলবুল’ কিংবদন্তি গায়িকা নায়াৰা নুৰৰ পৰলোকপ্ৰাপ্তি
তেওঁ ২ টকা প্ৰেৰণ কৰাৰ পিছত চাৰিটা এছএমএছ তেওঁৰ মোবাইললৈ আহে য’ত দেখা যায় যে আঠবাৰ টকা কৰ্তন কৰা হৈছে। প্ৰতিবাৰেই ২৫,০০০কৈ টকা। এইদৰে তেওঁৰ একাউণ্টৰ পৰা মুঠ ২ লাখ টকা উলিয়াই নিয়ে। তেওঁ আৰক্ষী আৰু বেংক দুয়োটাৰে ওচৰত এই সম্পৰ্কে অভিযোগ দাখিল কৰিছে।
