অসম চৰকাৰৰ শিক্ষা বিভাগে ৰাজ্যৰ সকলো চৰকাৰী আৰু প্ৰাদেশীকৃত মহাবিদ্যালয় আৰু সকলো ৰাজ্যিক বিশ্ববিদ্যালয়ত আসন বৃদ্ধিৰ অধিসূচনা জাৰি কৰিছে।
ক’ভিড১৯ মহামাৰীৰ প্ৰতি লক্ষ্য ৰাখি এই সকলো শিক্ষানুষ্ঠানত ২৫ শতাংশ আসন বৃদ্ধি কৰা হ’ব।
কেৱল অসম উচ্চতৰ মাধ্যমিক শিক্ষা সংসদৰ পৰা ২০২০-২১ বৰ্ষত দ্বাদশ শ্ৰেণীৰ পৰীক্ষাত উত্তীৰ্ণ শিক্ষাৰ্থীসকলৰ বাবে এই বৰ্ধিত আসনসমূহৰ ব্যৱস্থা কৰা হৈছে।
অসমৰ উচ্চতৰ, মাধ্যমিক আৰু প্ৰাথমিক শিক্ষা বিভাগৰ আয়ুক্ত সচিব প্ৰীতম শইকীয়াই ১৯ আগষ্টত এই অধিসূচনা জাৰি কৰিছে।
শিক্ষা মন্ত্ৰী হিমন্ত বিশ্ব শৰ্মাই শেহতীয়াকৈ এই আসন বৃদ্ধিৰ কথা ঘোষণা কৰিছিল।
ক’ভিড১৯ মহামাৰীৰ বাবে অসমৰ শিক্ষাৰ্থীয়ে বহিঃৰাজ্যৰ শিক্ষানুষ্ঠানত বৰ্তমান সময়ত নামভৰ্তি কৰিবলৈ নোযোৱাৰ সম্ভাৱনাৰ প্ৰতি লক্ষ্য ৰাখি এই সিদ্ধান্ত গ্ৰহণ কৰা হৈছে।
