ভাৰতীয় ক্ৰিকেট দলৰ প্ৰাক্তন অপেনিং বেটছমেন ৰবীন উত্থাপাই ২০০৯-১১ চনৰ মাজৰ সময়ছোৱাত প্ৰায়ে তেওঁৰ মনলৈ আত্মহত্যাৰ ভাব আহিছিল বুলি বিস্ফোৰক স্বীকাৰোক্তি কৰিছে।
২০০৯-২০১১ চনৰ মাজৰ সময়ছোৱাত ক্ৰিকেটাৰ গৰাকীয়ে তীব্ৰ মানসিক অশান্তিত ভোগাৰ লগতে প্ৰায়ে আত্মহত্যাৰ কথা চিন্তা কৰিছিল বুলি কয়।
‘‘সেই সময়ত মই প্ৰায়ে একে ঠাইত বহি বহি চিন্তা কৰি আছিলো আৰু ঘৰৰ বেলকনিত উদাসীন সময় পাৰ কৰিছিলো কিন্তু ভগৱানে মোক সেই সময়ৰ পৰা উদ্ধাৰ কৰিলে,’’ ৰবীন উত্থাপাই কয়।
ৰবীন উত্থাপা ২০০৭ চনৰ ভাৰতীয় বিশ্বকাপ দলৰ সদস্য আছিল কিন্তু বিশ্বকাপত ভাৰতীয় দলৰ শোচনীয় প্ৰদৰ্শনৰ পাছতে উত্থাপাই দলত স্থান হেৰুৱাবলগীয়া হৈছিল।
২০০৯-১১ চনলৈ কেৰিয়াৰৰ বেয়া সময় কটোৱা উত্থাপাই ২০১১ চনৰ পাছত আই পি এলত চমকপ্ৰদ প্ৰদৰ্শন দাঙি ধৰি দলত নিজৰ স্থান সুৰক্ষিত কৰিবলৈ সক্ষম হৈছিল।
বৰ্তমান উত্থাপাই কলকাতা নাইট ৰাইডাৰ্ছৰ হৈ খেলি আছে।
