কেন্দ্ৰীয় সংৰক্ষিত আৰক্ষী বাহিনীৰ এজন জোৱানে নিজ পত্নীসহ দুই সন্তানক হত্যা কৰি আত্মহত্যা কৰিছে।
ঘটনাটো সংঘটিত হৈছে শুকুৰবাৰে উত্তৰ প্ৰদেশৰ প্ৰয়াগৰাজ জিলাত।
থাৰৱাই আৰক্ষী থানাৰ বিষয়াই ভূৱনেশ চৌবেই জনায় যে, বিনোদ কুমাৰ যাদৱ নামৰ চি আৰ পি এফৰ ২২৪ নং বেটেলিয়নৰ চালকজনে এই কাণ্ড সংঘটিত কৰে।
প্ৰয়াগৰাজ জিলাৰ মেজা মৌজাৰ চি আৰ পি এফৰ চালকজন বেটেলিয়নটোৰ পাদিলা গ্ৰুপ চেন্টাৰতে পৰিয়ালৰ সৈতে বাস কৰিছিল।
প্ৰথমে পত্নী বিমলাক গুলীয়াই হত্যা কৰাৰ পিছতে ১৫ বছৰীয়া জ্যেষ্ঠ পুত্ৰ সন্দীপ আৰু ১২ বছৰীয়া কন্যা সমীৰণকো গুলীয়াই হত্যা কৰে চি আৰ পি এফৰ চালকজনে।
পত্নী সন্তানক হত্যা কৰাৰ পিছতে গুলীয়াই আত্মহত্যা কৰে জোৱানজনে।
‘পত্নীৰ সৈতে বাকযুদ্ধৰ পিছত কাজিয়াত লিপ্ত হৈ জোৱানজনে এই কাণ্ড সংঘটিত কৰিছে বুলি ধাৰণা কৰা হৈছে।’ এইদৰে কয় আৰক্ষী বিষয়া চৌবেই।
আৰক্ষী আৰু চি পআৰ পি এফৰ শীৰ্ষ বিষয়াই ঘটনাৰ খবৰ পায়ে ঘটনাস্থলীত উপস্থিত হয়।
আৰক্ষীয়ে মৃহদেহকেইটা মৰণোত্তৰ পৰীক্ষাৰ বাবে স্থানীয় চিকিৎসালয়লৈ প্ৰেৰণ কৰে।
ইতিমধ্যে জোৱানজনৰ মেজাস্থিত পৰিয়ালৰ লোকলৈ আৰক্ষীয়ে খবৰ প্ৰেৰণ কৰিছে।