চেন্নাই ছুপাৰ কিংছ আৰু ৰাজস্থান ৰয়েলছ দলৰ মাজত অনুষ্ঠিত হোৱা আই পি এলৰ চতুৰ্থখন মেচত এটা অদ্ভুত ঘটনা ঘটে য’ত দুটা বলত চাৰিটা ছয় কোবোৱা দেখিবলৈ পোৱা যায়।
মেচখনত ৰাজস্থান ৰয়েলছ দলৰ বেটছমেন জোফ্ৰা আৰ্চাৰে ইনিংছৰ শেষৰটি অ’ভাৰত বলিং কৰিবলৈ অহা চেন্নাই ছুপাৰ কিংছৰ লুংগি এনগিডিক চাৰিটা ছয় কোবায়।
আৰ্চাৰে এনগিডিৰ প্ৰথম আৰু দ্বিতীয়টো বল ছয় কোবায়। ইয়াৰ পিছত এনগিডিয়ে একেৰাহে দুটা ন’বল দিয়ে আৰু দুয়োটা বলে বাউণ্ডেৰিৰ বাহিৰলৈ মাৰি পঠিয়াই আৰ্চাৰে।
এইদৰে এনগিডিয়ে প্ৰথম দুটা বলত মুঠ ২৭ ৰান (৪টা ছয়, দুটা ন’বল আৰু এটা ৱাইড) খৰচ কৰে। তেওঁ অ’ভাৰটোত মুঠ ৩০ ৰান দিয়ে।
আনহাতে জোফ্ৰা আৰ্চাৰে ৮টা বলত ২৭ ৰান কৰে। ইয়াৰ পূ্ৰ্বে ৰাজস্থানৰ অপেনাৰ সঞ্জু ছেমছনৰ ৭২ আৰু অধিনায়ক ষ্টিভ স্মিথৰ ৬৯ ৰানৰ বিস্ফোৰক ইনিংছৰ সহায়ত চেন্নাইক ২১৭ ৰানৰ লক্ষ্য বান্ধি দিয়ে।
প্ৰত্যুত্তৰত চেন্নাই দলটোৱে নিৰ্ধাৰিত ২০ অ’ভাৰত ২০০ ৰানহে সংগ্ৰহ কৰিবলৈ সক্ষম হয় আৰু এইদৰে ৰাজস্থানে নিজৰ প্ৰথমখন মেচ ১৬ ৰানত জয়ী হয়।
