নামনি অসমৰ বঙাইগাঁৱত অৱস্থিত নাভাৰ্ড মানসিক চিকিৎসালয়ত মানসিক ভাবে একাংশ মহিলা প্ৰতিবন্ধী ৰ সৈতে এটি আকৰ্ষণীয় অনুষ্ঠান শুক্ৰবাৰে অনুষ্ঠিত কৰা হয় ।
নৱবৰ্ষৰ প্ৰাক সন্ধিয়াৰ পূৰ্বে ” হিউমেনিটি গ্ৰুপ ‘ ৰ নেতৃত্বত ২৪ গৰাকী মানসিক দিব্যাংগৰ সৈতে গীতে- মাত আৰু কিছু উপহাৰ বিতৰণ শীৰ্ষক অনুষ্ঠিত এই অনুষ্ঠান বঙাইগাঁও জিলাৰ যুটীয়া স্বাস্থ্য সঞ্চালক ডাঃ ভূপেন বৈশৰ দ্বাৰা উদ্বোধন কৰা হয়।
নৱবৰ্ষৰ প্ৰাকক্ষণত মানসিক ভাবে প্ৰতিবন্ধী সকলৰ মাজলৈ গৈ তেওঁলোকক মানসিক ভাবে কিছু সৱল আৰু আত্মিক আনন্দ দিয়াৰ মহান উদ্দেশ্য আগত ৰাখি নৃত্য গীতৰ এটি আকৰ্ষণীয় পৰিবেশৰ বাতাবৰণ সৃষ্টি কৰি হিউমেনিটি গ্ৰুপৰ সমূহ কৰ্মকৰ্তা সকলে কিছু সময় কটায়।
এই অনুষ্ঠানতে মানসিক ভাবে প্ৰতিবন্ধী ব্যক্তি সকলক কিছু শীতৰ বস্ত্ৰ উপহাৰ দিয়াৰ লগতে হোটেল জাহ্নৱী ‘ ৰ ফালৰ পৰা জলপান আৰু আহাৰ আগবঢ়োৱা হয়।
এই অনুষ্ঠানত হিউমেনিটি গ্ৰুপৰ সভাপতি গোপাল মহাপাত্ৰ , ধনভৰালী সুজিত ঘোষ , যুটীয়া সচিব অমিত ভাসিন , সদস্য বৃন্দ ক্ৰমে আনন্দ শৰ্মা , ৰূপক বৰুৱা , ফুখন মুছাহাৰী আৰু হেমন্ত দাসে আন্তৰিকতাৰে অংশগ্ৰহণ কৰে। অনুষ্ঠানটোৰ গুৰি ধৰোতা প্ৰবীণ কুমাৰ বৈশ্যই বিহু গীত পৰিৱেশন কৰি এই অনুষ্ঠানটি জীপাল কৰি তোলে ।
ঢোল , পেঁপা , গগনা আৰু গীতৰ তালে তালে সকলোৱে নৃত্যৰ কৰি আত্মহাৰা হৈ উঠে । অনুষ্ঠান উদ্বোধনৰ হোৱাৰ পিছত এক প্ৰাৰ্থনা পৰ্ব অনুষ্ঠিত কৰা হয়। এই আনন্দময় মূহুৰ্তত দেৱৰিকা ভট্টাচাৰ্জী , আনন্দ শৰ্মা আৰু সুৰজিৎ সমজদেৰে গীতৰ শৰাই আগবঢ়ায় ।
এই অনুষ্ঠানত বিশিষ্ট সমাজকৰ্মী তথা সংগীতজ্ঞ প্ৰবীণ কুমাৰ বৈশ্যই নিজৰ বক্তব্যত মানৱীয়তাৰ ওপৰত চমু আভাষ ধৰি কয় যে পাৰো মানে আমি সকলোৱে মানৱ সেৱা কৰিব লাগে । এই সেৱাত ব্ৰতী হলে আত্মিক সন্তুষ্টি লাভ কৰিব পাৰি।