শিৱসাগৰত বস্ত্ৰ ব্যৱসায়ীৰ গ্ৰাহকক ৰামঠগন । বৰ্ডিং ৰোডস্থিত চৌধাৰী বস্ত্ৰালয় নামৰ কাপোৰ বিপনী খনত ৰামঠগন গ্ৰাহকক । ব্যৱসায়িক প্ৰতিষ্ঠানখনৰ পৰা জাকিৰ আলম বড়া নামৰ যুৱক জনে ক্ৰয় কৰিছিল LUX INFERNO নামৰ এবিধ সামগ্ৰী ।
কিন্তু যুৱক জনে প্ৰত্যক্ষ কৰিলে একেটা পেকেটত দুটা মূল্যৰ ষ্টিকাৰ । এটাত ৫৮১আৰু তাৰ তলত ৫০১মূল্যৰ অন্য এটা ষ্টিকাৰ লগাই প্ৰতিষ্ঠানখনে জালিয়াতি কৰাৰ তথ্য পোহৰলৈ অহাত গ্ৰাহকজনে উত্তপ্ত কৰি তোলে পৰিৱেশ ।
এটা মূল্যৰ ষ্টিকাৰৰ ওপৰত অতি কৌশলেৰে অন্য এটা ষ্টিকাৰ লগাই গ্ৰাহকক ঠগি আহিছিল বিপিন চৌধাৰী মালিকাধীন ব্যৱসায়ী প্ৰতিষ্ঠানখনেইফালে বস্ত্ৰালয়ৰ খনৰ স্বতাধিকাৰী বিপিন চৌধাৰীয়ে এই সামগ্ৰী খিনি মাঙ্গীলাল মহেশ্বৰী নামৰ দোকানৰ পৰা ক্ৰয় কৰিছিল বুলি প্ৰকাশ কৰিছে ।
উল্লেখযোগ্য যে LUX UNFERNOৰ শিৱসাগৰৰ DISTRIBUTORSHIP আছে মাঙ্গীলাল মহেশ্বৰী নামৰ কাপোৰৰ বিপনীখনৰ নামত।এতিয়া প্ৰশ্ন হ’ল এই জালিয়াতিৰে গ্ৰাহকক কোনে প্ৰৱঞ্চনা কৰি আহিছিল ?
শিৱসাগৰ জিলা প্ৰশাসনৰ চকুৰ সন্মুখতে এইদৰে এচাম অসাধু ব্যৱসায়ীয়ে গ্ৰাহকক লুন্ঠন কৰি অহাৰ লগতে প্ৰশাসনৰ নিৰ্লিপ্ততাৰ বাবেই এনে কাণ্ড সংঘটিত কৰি আহিবলৈ সাহস পাইছে এই আসাধু ব্যৱসায়ী সকলে.ইতিমধ্যে চৌধাৰী বস্ত্ৰালয়ৰ এই জালিয়াতিৰ বিৰুদ্ধে ভুক্তভোগী জাকিৰ আলম বৰাই শিৱসাগৰ সদন থানাত এজাহাৰ দাখিল কৰিছে ।
শিৱসাগৰত গ্ৰাহক সুৰক্ষা আইন ভৰিৰে মোহাৰি কাপোৰ বিক্ৰীৰ নামত বাৰুকৈয়ে ৰামঠগন দি অহা ” মাঙ্গিলাল মহেশ্বৰী ” নামৰ বস্ত্ৰ ব্যৱসায়িক প্ৰতিষ্ঠান খনৰ বিৰোদ্ধে প্ৰশাসনে অদ্যপি ব্যৱস্থা নোলোৱাত প্ৰতিক্ৰিয়াৰ সৃষ্টি হৈছে ।
আনহাতে অভিযোগকাৰী তথা ভুক্তভোগী যুৱকজনে এই সন্দৰ্ভত সদৰ থানাত এজেহাৰ দাখিল কৰিলে যদিও ৰহস্যজনক কাৰণত তদন্ত ক্ষীপ্ৰ কৰা নাই।
ইফালে শিৱসাগৰ ৰাজহ চক্ৰ বিষয়া এই সন্দৰ্ভত প্ৰতিষ্ঠানখনত উপস্থিত হৈ বিজ্ঞানসন্মত ভাৱে কোনো তদন্ত নকৰি কেৱল সোধাপোচা কৰিয়েই দায়িত্ব সামৰে।
আনহাতে ব্যৱসায়িক সকলৰ বিভিন্ন বিষয়ত সততে সৰৱ হোৱা দৌলমুখ চাৰি আলিৰ ব্যৱসায়িক সন্থাই অনাগত দিনত এনে প্ৰতিষ্ঠাৰ বিৰুদ্ধে কেনে ব্যৱস্থা গ্ৰহণ কৰিব সেয়া লক্ষণীয় হ’ব।