অন্ধ্ৰপ্ৰদেশৰ তিৰুপতি জিলাৰ শ্ৰীবিদ্যা নিকেতন মহাবিদ্যালয়ৰ চতুৰ্থ বৰ্ষৰ অভিযান্ত্ৰিকৰ এগৰাকী দলিত ছাত্ৰৰ ওপৰত হোৱা নৃশংস নিৰ্যাতনৰ ঘটনাই চককু কপালত তুলিছে সচেতন মহলৰ। প্ৰকাশিত তথ্য অনুসৰিছাত্ৰজনক অপহৰণ কৰি অমানৱীয় নিৰ্যাতন চলোৱা বুলি অভিযোগ উত্থাপিত হৈছে। ভুক্তভোগী ছাত্ৰজনৰ নাম জেমছ বিলি জানিব পৰা গৈছে। ২২ বছৰীয়া জেমছ, নেল্লোৰ জিলাৰ ৰেড্ডীপালেম গাঁৱৰ বাসিন্দা, ১১ মে’ত তেওঁৰ বন্ধু গুৰু ছাই ৰেড্ডীৰ সৈতে হোষ্টেলৰ বাহিৰৰ পৰা অপহৃত হৈছিল। অভিযোগ অনুসৰি, তেওঁক শ্ৰীনিবাসপুৰমৰ এলিট পাৰ্ক হোটেলৰ ২০৯ নম্বৰ কোঠাত আবদ্ধ কৰি লাঠি, বেল্টেৰে নিৰ্মমভাৱে প্ৰহাৰ কৰা হৈছিল আৰু প্ৰস্ৰাৱ খাবলৈ বাধ্য কৰা হৈছিল।
ছাত্ৰজনে দাবী কৰিছে যে তেওঁৰ দলিত পৰিচয়ৰ বাবেই তেওঁক আক্ৰমণৰ লক্ষ্য কৰি লৈছিল, আৰু আক্ৰমণকাৰীসকলে তেওঁৰ জাতিগত নাম ব্যৱহাৰ কৰি অপমান কৰিছিল। আৰক্ষীৰ তদন্তত অভিযুক্ত যশৱন্ত, কিৰণ, জগ্গা, ললিত, সাই গৌড়া, বংশী, ৰূপেশ আৰু কেইবাজনো অচিনাকি যুৱকৰ সন্ধান চলাইছে বুলি সদৰী কৰিছে।
ছাত্ৰজনে প্ৰথমে থানাত এজাহাৰ দাখিল কৰে, কিন্তু কৰ্তব্যৰত আৰক্ষীয়ে কোনো ব্যৱস্থা গ্ৰহণ ছাত্ৰজনে ছ’চিয়েল মিডিয়াত নিজৰ অভিজ্ঞতাৰ এটা ভিডিঅ’ পোষ্ট কৰে, য’ত তেওঁ নিৰ্যাতনৰ বিৱৰণ দিয়ে আৰু দলিত হোৱাৰ বাবে তেওঁক টাৰ্গেট কৰা বুলি দাবী কৰে। ভিডিঅ’টো ভাইৰেল হোৱাৰ পিছত আৰক্ষীৰ তদন্ত তীব্ৰতৰ কৰে। জেমছৰ মতে, তেওঁক তিনি-চাৰিদিন আটক কৰি শাৰীৰিক আৰু মানসিক অত্যাচাৰ কৰা হৈছিল, আৰু আক্ৰমণকাৰীসকলে অনুসূচিত জাতিৰ হোৱাৰ পিছতো এনে সাহস ক’ৰ পৰা আহিল? বুলি তেওঁৰ জাতিৰ বিৰুদ্ধে কটুক্তি কৰিছিল।
ৱাইএছআৰচিপিৰ নেতা প্ৰাক্তন মুখ্যমন্ত্ৰী ৱাই এছ জগনমোহন ৰেড্ডীয়ে ঘটনাটোক তীব্ৰ নিন্দা কৰি কয় যে ৰাজ্যৰ আইন-শৃংখলাৰপৰিস্থিতি অৱনতি ঘটিছে আৰু দলিতসকলৰ নিৰাপত্তা বিপন্ন হৈছে। আৰক্ষীয়ে অভিযুক্তৰ বিৰুদ্ধে কঠোৰ ব্যৱস্থা গ্ৰহণৰ আশ্বাস দিছে। এইতিয়া আৰক্ষীৰ তদন্তৰ অগ্ৰগতিৰ ওপৰত সকলোৰ দৃষ্টি নিবদ্ধ হৈ পৰিছে।
