হাজোৰ ডিঙাৰাত ৰহস্যজনক অৱস্থাত উদ্ধাৰ হৈছে এজন যুৱকৰ মৃতদেহ।
ডিঙি কটা অৱস্থাত উদ্ধাৰ হৈছে বিশ্বজিৎ কলিতা নামৰ যুৱক জনৰ মৃতদেহ। যুৱকজনক হত্যাৰ সন্দেহ কৰা হৈছে।
ডিঙাৰা গাঁৱৰ বাহনিৰ মাজত তেজেৰে লুতুৰি পুতুৰি অৱস্থাত মৃতদেহটো প্ৰত্যক্ষ কৰে স্থানীয় ৰাইজে।
মৃতদেহৰ কাষত এখন চোকা অস্ত্ৰও উদ্ধাৰ কৰিছে আৰক্ষীয়ে।
স্থানীয় ৰাইজে কঞা আৰক্ষীক খৱৰ দিয়াত ঘটনাস্থলীত কঞা আৰক্ষী আহি উপস্থিত হয়।
আৰক্ষীয়ে মৃতদেহটো চমজি লয় আৰু মৰণোওৰ পৰীক্ষাৰ বাবে GMCH লৈ প্ৰেৰণ কৰে।
ঘটনা সন্দৰ্ভত আৰক্ষীয়ে ইতিমধ্যে তদন্ত আৰম্ভ কৰিছে।
মৃত যুৱক জন পেছাত এজন মিস্ত্ৰী আছিল। যুৱক জনক কোনে কিয় হত্যা কৰি পেলাই থৈ গ’ল তাক লৈ চাঞ্চল্যৰ সৃষ্টি হৈছে।
