মূল্যবোধৰ ৰাজনীতিৰ প্ৰতিভূ স্বৰূপ, অসমৰ সমাজ জীৱনৰ এগৰাকী মহীৰূহ জননেতা শৰৎ চন্দ্ৰ সিংহৰ ষষ্ঠদশ মৃত্যু বাৰ্ষিকী জননেতা গৰাকীৰ ওপজা ঠাই পশ্চিম অসমৰ ধুবুৰী জিলাৰ অন্তৰ্গত চাপৰ চহৰৰ ভকত গাঁওত দিনজোৰা কাৰ্যসূচীৰে পালন কৰা হয়।
চাপৰৰ এটি অগ্ৰণী স্বেচ্ছাসেৱী সংস্থা ‘ছাৰভাইভেল হেল্প গ্ৰুপ’ৰ উদ্যোগত চাপৰৰ ভকত গাঁওস্থিত ‘শৰৎ চন্দ্ৰ সিংহ সাংস্কৃতিক ক্ষেত্ৰ’ত অনুষ্ঠিত এই স্মৃতি দিৱসৰ কাৰ্যসূচীত পুৱা ৯ বজাত সংস্থাটোৰ পতাকা উত্তোলন কৰে উপসভাপতি কিৰণ চন্দ্ৰ ৰায়ে।
পৰৱৰ্তী পৰ্যায়ত জননেতা গৰাকীৰ প্ৰতিচ্ছৱিত মাল্যাৰ্পণ আৰু বন্তি প্ৰজ্জ্বলন কৰে ক্ৰমে বৰ্ষীয়ান সমাজ কৰ্মী অৰুণ কুমাৰ সিংহ আৰু জননেতাৰ স্মৃতিবিজড়িত ৰত্নপীঠ কলেজৰ অৱসৰপ্ৰাপ্ত অধ্যক্ষ ডঃ প্ৰভাস দাসে।
তাৰ পাছতে জননেতা শৰৎ চন্দ্ৰ সিংহৰ জীৱনাদৰ্শৰ ওপৰত আলোকপাত কৰি এখনি গাম্ভীৰ্যপূৰ্ণ স্মৃতিচাৰণ সভা অনুষ্ঠিত হয়।
সভাখনত বিশিষ্ট শিক্ষাবিদ ভবানন্দ মেধি, ৰত্নপীঠ কলেজৰ অৱসৰী অধ্যক্ষ তথা ধুবুৰী জিলা সাহিত্য সভাৰ সভাপতি তৰণী কান্ত ৰায়, সমাজকৰ্মী হৰকুমাৰ ৰায়, যুৱ সমাজকৰ্মী তথা প্ৰকৃত খেতিয়ক অজয় সিংহ, ধনজিৎ সিংহ, শংকৰ সিংহ আদিকে ধৰি বহু কেইগৰাকী ব্যক্তিয়ে জননেতা গৰাকীৰ জীৱন আৰু আদৰ্শৰ ওপৰত বিশদ ভাৱে ব্যাখ্যা আগবঢ়ায়।
সন্ধিয়া সাংস্কৃতিক ক্ষেত্ৰৰ চৌহদত বন্তি প্ৰজ্জ্বলনেৰে কাৰ্যসূচীৰ সামৰণি পৰে ।
এই অনুষ্ঠানত কেবাগৰাকী বিশিষ্ট ব্যক্তিৰ লগতে সমাজকৰ্মী , যুব সমাজ কৰ্মী ক্ৰমে ধীৰেন ৰায় , ভাস্কৰ ৰায় , প্ৰোজিৎ ৰায় , জলেশ্বৰ ৰায় , অৰবিন্দ বৰ্মন , কমলেনদু সিংহ , দীপক কুমাৰ সিংহ , দিলীপ ৰায় , কিৰণ ৰায় , ধঞ্জিত সিংহ , ৰাহুল বৰুৱা , শংকৰ সিংহ , অজয় সিংহ , বিনয় সিংহ , হুতাশন সিংহ আদি ব্যক্তিসকল উপস্থিত আছিল।ইয়াৰোপৰি কেবা গৰাকী ছাত্ৰ ছাত্ৰী উপস্থিত থাকি সভাৰ সৌষ্ঠৱ বৃদ্ধি কৰে।