যোৱা ৩ জুনত অৰুণাচল প্ৰদেশত নিৰুদ্দিষ্ট হোৱা ভাৰতীয় বায়ুসেনাৰ এ এন-৩২ বিমানখনৰ ধ্বংসাৱেশৰ সন্ধান পোৱা গৈছে। অৰুণাচল প্ৰদেশৰ লিপোৰ সমীপত বিমানখনৰ ধ্বংসাৱশেষ বিচাৰি পোৱা গৈছে।
ভাৰতীয় বায়ুসেনাই আজি এক টুইট যোগে ইয়াক নিশ্চিত কৰি কয় যে ভাৰতীয় বায়ুসেনাৰ এখন এম আই-১৭ হেলিকপ্তাৰে নিখোজ বিমানখনৰ সন্ধান উলিয়ায়।
The wreckage of the missing #An32 was spotted today 16 Kms North of Lipo, North East of Tato at an approximate elevation of 12000 ft by the #IAF Mi-17 Helicopter undertaking search in the expanded search zone..
— Indian Air Force (@IAF_MCC) June 11, 2019
‘নিখোজ বিমানখনৰ উদ্ধাৰ অভিযান চলাই থকা এম আই-১৭ হেলিকপ্তাৰখনে আজি ১২,০০০ ফুট উচ্চতাত লিপোৰ পৰা ১৬ কিঃমি উত্তৰত আৰু টাটোৰ উত্তৰ-পূবত বিমানখনৰ ধ্বংসাৱেশ সন্ধান পায়।‘ টুইটটোত কোৱা হয়।
ভাৰতীয় বায়ুসেনাই জনোৱা মতে বেয়া বতৰ, ঘন জংঘল আৰু প্ৰতিকুল ভৌগলিক পৰিৱেশৰ প্ৰত্যাহ্বানৰ সস্ত্বেও সেনা, নৌ সেনা বাহিনী আৰু ইণ্ডো-টিবেটান বৰ্ডাৰ পোলিচ (আই টি বি পি)ৰ দলে দিনে নিশাই বিমানখন উদ্ধাৰ কৰাৰ বাবে লাগি আছে।
The wreckage of the missing An32 Tail No K2752 was spotted today, 16 Kms North of Lipo, North East of Tato, AP at an approximate elevation of 12000 ft by a Mi-17 Helicopter undertaking search in the expanded search zone.
Ground parties now being coordinated to site. pic.twitter.com/3Zckmpymmg— Indian Defence (@IndianDefenceRA) June 11, 2019
উল্লেখযোগ্য যে ৮জন বিমানকৰ্মী আৰু ৫জন যাত্ৰীৰে মুঠ ১৩জন ব্যক্তি থকা নিখোজ বিমানখনৰ সন্ধান দিওঁতালৈ ভাৰতীয় বায়ু সেনাই ৫ লাখ টকাৰ পুৰস্কাৰ ঘোষণা কৰিছিল।