দিল্লী আৰক্ষীৰ এগৰাকী মহিলা কনিষ্টবলে মাত্ৰ ৩ মাহতে ৭৬ টা নিৰুদ্দিষ্ট শিশু-কিশোৰক ট্ৰেচিঙ কৰি উদ্ধাৰ কৰাৰ বাবে ‘আউট অৱ টাৰ্ণ’ পদোন্নতি দিয়া হৈছে।
দক্ষিণপূৱ দিল্লীৰ সময়পুৰ বাদ্লী আৰক্ষী থানাৰ হেড কনিষ্টবল সীমা ঢাকাই নিৰুদ্দিষ্ট এই শিশু-কিশোৰসকল উদ্ধাৰ কৰি দক্ষতাৰ পৰিচয় দিয়াৰ পিছত দিল্লী আৰক্ষীৰ নতুন আঁচনিৰ অধীনত বিষয়া পৰ্যায়লৈ পদোন্নতি লাভ কৰিছে।
উল্লেখ্য যে দিল্লী আৰক্ষীত এই আঁচনিৰ অধীনত পদোন্নতি হৈ বিষয়াৰ মৰ্যাদা লাভ কৰা প্ৰথম গৰাকী আৰক্ষী হিচাপে অভিলেখ স্থাপন কৰিছে সীমা ঢাকাই।
“‘আউট অৱ টাৰ্ণ’ পদোন্নতি লাভ কৰা প্ৰথম গৰাকী আৰক্ষী হৈছে সীমা।” দিল্লী আৰক্ষীয়ে এক বিবৃতি এইদৰে উল্লেখ কৰিছে।
সীমাই উদ্ধাৰ কৰা ৭৬ গৰাকী শিশু-কিশোৰৰ ভিতৰত ৫৬ টি শিশু হৈছে ১৪ বছৰৰ অনুৰ্ধৰ।
“নিৰুদ্দেশ হোৱা শিশু-কিশোৰসকলক কেৱল দিল্লীতে অনুসন্ধান কৰি উদ্ধাৰ কৰা নাই। পঞ্জাৱ, হাৰিয়ানা আৰু পশ্চিমবংগৰ পৰাও উদ্ধাৰ কৰিছে সীমাই।” দিল্লী আৰক্ষীয়ে কয়।
দিল্লীৰ আৰক্ষী আয়ুক্ত এছ এন শ্ৰীবাস্তৱে হেড কনিষ্টবল সীমা ঢাকাৰ এই সফলতাৰ বাবে অভিনন্দন জ্ঞাপন কৰি টুইট কৰিছে।
Women HC Seema Dhaka, PS Samaypur Badli, deserves congratulations for being the first police person to be promoted out of turn for recovering 56 children in 3 months under incentive scheme. Hats off to fighting spirit and joy brought to families. @LtGovDelhi @HMOIndia @PMOIndia
— CP Delhi #DilKiPolice (@CPDelhi) November 18, 2020
আনহাতে চ’ছিয়েল মিডিয়াৰ যোগেদিও বহু লোকে সীমাৰ এই সফলতাৰ বাবে অভিনন্দন জ্ঞাপন কৰা দেখা গৈছে।
